Gyutan Toku牛舌專門店

Open Now

Now Closed

今次同朋友嚟咗間日式牛舌專門店 Gyutan Toku，試吓佢哋嘅定食係咪 #牛舌關注組 嘅 member 講到咁驚艷！佢哋個招牌極上牛舌定食 ($178)，師傅會揀最中間最鮮嫩嘅牛脷，就係每條牛脷最中心嗰兩成肉，用同日本一樣嘅煮法，先加鹽同黑椒調味，再燒到表面帶有微焦脆香，加埋獨家嘅 72 小時低溫熟成嘅煮法，一口咬落牛脷內嫩又爽口，完全冇內臟嘅臊味，值得一試 👍🏻 除咗招牌極上牛舌，呢次特別推介仲有龍蝦沙律 ($78) 同鹽燒鯖魚定食 ($98)！龍蝦鮮甜，再配新鮮沙律同日本生蛋，清新開胃，而鹽燒鯖魚就燒得皮脆肉嫩！另外我哋仲嗌咗雞肉棒軟骨串配日本雞蛋黃 ($38+$10)，雞肉肉質嫩滑，雞軟骨有咬口，配埋 High Ball ($68)，柚子味梅酒 ($58) 或者生啤 ($48)，味道一流 🍻 每份定食都有跟茶碗蒸、小鉢、漬物同麵豉湯，唔想食飯嘅朋友可以免費換沙律或者加 $10 轉烏冬！如果你鍾意食日式燒牛脷，呢間 #GyutanToku 係值得試吓，味道唔錯、環境舒適、食得開心 😊