越之味 (德民街) (Closed)

昨晚（818）睇演唱會前先往“越之味”醫肚。從這店開張後已經想試，但緣份未到，每次午飯時間去到總是見到店內人頭滿滿，只能轉場。今次我啦三人點了三款不同食品~撈檬、湯河同三文治。 食後感……店舖雖小但食物水準卻不小。檬粉非常爽口；蟹肉湯河更是水準之作👍，當見到碗肉的兩支匙羹時還以為放錯，後來朋友吃過那蟹肉餅後疑團就解開。朋友用一支羹放那蟹餅以免放湯肉蟹餅散晒、而另一支羹則是食用嚟飲湯，而湯店更是美味、濃郁，朋友連湯都清埋仲話好耐都未食過咁地道嘅越南餐。 除了🐂湯底外，老闆亦照顧唔食牛嘅朋友因為有🐔湯底可選咁就可以食湯河、湯檬 啦😊。 🐖手扎肉三文治嘅麵包脆到不得之了，一口咬落去“卡之卡之”聲連隔離位嘅朋友都聽到 😂。包內放有羅勒，因自己唔食有味菜大口咬下一陣味非常難頂😨，只好打開三文治剔走啲羅勒才可繼續食，下次落單前定必走羅勒免影響胃口。除了主食我們還點了蒜蓉包，包嘅两面都搽有蒜醬、蒜香撲鼻且包軟邊脆😍；而那杯芒果沙冰則是以新鮮腰芒製作而成，整體食物水準都非常高、啱口胃，這店mark 下定必再幫襯😁