Pepperonis Pizza & Cafe

Open Now

Now Closed

餐廳遠離西貢市中心，所以唔多人去食，落單要講英文，可以練習吓English。裝修係意式風情小餐廳嘅風格，加埋紅色格仔枱布，有種復古感覺。*招牌薄餅+汽水 $85薄餅即叫即焗，所以要等大約10分鐘。薄餅偏厚偏硬，少少乾，麵粉香弱，配料有火腿辣肉腸菠蘿芝士，仲有少少洋蔥青椒碎，味道普通，冇咩新意思。新奧爾良薄餅+汽水 $85同樣嘅薄餅底，但配料有意思好多啦。Cajun雞肉、薯仔粒、蘑菇菠菜，加埋酸忌廉、泰式辣醬，口感豐富，薯仔外面少少焦化+入面軟綿，雞肉惹味可惜少少嚡口，酸忌廉中和辣醬之餘，再加一層濃厚順滑感覺，非常特別。烤焗雞胸配水牛芝士番茄醬 $160三大片雞胸肉，外面包住香脆炸嘅麵衣，切開入面係juicy嘅雞肉，一啲都唔嚡唔乾，配埋酸甜蕃茄醬，拉絲水牛芝士，口感豐富，味道有層次，熱量大爆發，但非常值得！唯一可改善之處係蕃茄醬過多，令整體味道俾蕃茄酸掩蓋咗。薯條普通，質感偏腍，調味偏淡，失色失色。