財記海鮮火鍋活魚刺身

Open Now

Now Closed

第一次黎食，係老公（以前係男朋友）帶我黎食。九年黎，真係黎過無數次，睇住佢由一間變兩間鋪，就知老細賺唔少啦。以前黎食，覺得d野食唔錯，價錢合理，大家睇返d comment, 就見以前既食評，大多係正評。就算疫情期間，有晚市時，我地都黎過幾次。可惜，疫情之後，就真係一路咁差落去。以前既小食，你唔食，佢收返，唔洗俾錢，而家就你唔食，佢收返，都照要俾錢，總之就係要賺到盡。其他野食，比以前細左又貴左。好似切肥牛，3年間就加左4成。如果質素一樣都算，可惜口感已大不如前，更唔好講其他野食啦。人情味都係呢間店既特色。老細以前無論你叫幾多野食，佢都會行埋黎問下野食點，好唔好，總之笑容極佳，但係而家，無啦。