榮記(東成)飯店

Open Now

Now Closed

朋友推介，所以今日一行六人到這裡食晚飯。豉椒聖子皇4隻 $ 178，個汁冇乜味兼比較水，麻麻地。生炒骨 $ 68，份量少，汁醬調味不酸不甜，尷尷尬尬，粒骨又不脆，一般。金銀旦莧菜 $68，有大量咸旦、皮旦，莧菜份量又多，夏天好啱食。蜆介鯪魚球 $68，魚球彈牙，入面有d果皮，吾錯。炸大腸 $88、椒鹽魷魚鬚 $68 ，兩款都好大碟，炸得香口又邪惡。豉油皇炒麵 $48，炒得吾太平均，有d麵冇乜色水加上有大量洋蔥，仲系生生地，若然接受不到生洋蔥味道就要留意一下。蠔餅 $60，炸粉好厚，但冇試。加一罐可樂，埋單$654，抵食。食物水準、環境（可能因為星期日嘅關係，比較嘈吵）、衞生，就一般啦。