名館 (希慎廣場) (Closed)

其實我一直以黎都好想食，但一直都無人陪我衝動一下，今次終於有人陪我癲佢除咗有好多款點心之外，仲有涼拌小食，粉面飯同埋甜品，款式來講唔算少，一定夠飽。好多點心都好特別好啱打卡，我第一轉已經差唔多落晒所有食物，建議唔好心急，黎到要真係慢慢食，唔好咩都放晒落口，同埋如果兩個人叫晒所有嘢食係一定食唔晒。整體食物來講質素正常，啱晒我呢啲乜嘢點心都想食嘅人，係點心放題就可以食到好多唔同嘅款式，就連我平時唔鍾意食嘅秋葵我係點心放題竟然食咗好多。佢除咗點心放題之外其實仲有其他散叫嘅食物，但我冇後悔食第一次嘅點心放題，真係好啱我呢啲咩都想食嘅人。