Video
Read full review
2018-06-17
370 views
天后近維園一帶周圍都有特色餐廳，試極都有驚喜。今個週末天氣好，我同朋友悠悠閒閒喺附近搵下啲樓上鋪有冇驚喜。於是喺食飯app搵到A La Umai既semi buffet brunch。一上到去就已經被窗外既景色吸引住，香港真係好靚，平時比高樓大廈遮住哂根本好難睇得咁清楚，好啱影相😋影完輪相先捨得返入正題，呢一個semi buffet brunch 可以揀一款主菜，成日以為semi buffet 咪即係塞飽你再求其擺啲野食，的確buffet枱上種類算不上好多，但湯，沙律，水果，appetisers見做樣樣俱全，賣相都好精緻。揀main食見到餐牌上寫$10 隻生蠔，$10喎！我以為自己睇錯！！係咪都叫五隻食下先啦。食自助餐好玩既地方就係乜都可以試少少，鍾意再encore。我覺得整體真係唔差，而且每一份份量唔多，基本上一般人食量都可以試到大部分款式。推薦一下，粟米涷湯，味道清甜，夏天飲特別清新；涷豆腐有滑一滑既豆腐加上木魚絲調味，簡單而美味；特別推薦Egg benedict，個人本身就喜歡egg benedict，而呢隻蛋煮得剛剛好，配上Hollandaise Sauce，如果唔係仲有好多野
天后近維園一帶周圍都有特色餐廳，試極都有驚喜。今個週末天氣好，我同朋友悠悠閒閒喺附近搵下啲樓上鋪有冇驚喜。於是喺食飯app搵到A La Umai既semi buffet brunch。
一上到去就已經被窗外既景色吸引住，香港真係好靚，平時比高樓大廈遮住哂根本好難睇得咁清楚，好啱影相😋
影完輪相先捨得返入正題，呢一個semi buffet brunch 可以揀一款主菜，成日以為semi buffet 咪即係塞飽你再求其擺啲野食，的確buffet枱上種類算不上好多，但湯，沙律，水果，appetisers見做樣樣俱全，賣相都好精緻。
揀main食見到餐牌上寫$10 隻生蠔，$10喎！我以為自己睇錯！！係咪都叫五隻食下先啦。
食自助餐好玩既地方就係乜都可以試少少，鍾意再encore。我覺得整體真係唔差，而且每一份份量唔多，基本上一般人食量都可以試到大部分款式。
推薦一下，粟米涷湯，味道清甜，夏天飲特別清新；涷豆腐有滑一滑既豆腐加上木魚絲調味，簡單而美味；特別推薦Egg benedict，個人本身就喜歡egg benedict，而呢隻蛋煮得剛剛好，配上Hollandaise Sauce，如果唔係仲有好多野多等緊我，真係多多都唔厭☺️
仲有應該最尾先食但我偷咗步既甜品白酒啫喱，好香酒味，滑溜清爽，夏天必吃！
不過如果要揀，我都係會留肚食生蠔。好靚仔，新鮮，我個人覺得加茄汁會掩蓋生蠔既味道，加檸檬先係正解。一啖吸入口，好甜美，有少少海水味，想個殼都舔埋👅👅👅
舔埋啲蠔都係時候主菜，我叫既係煎帶子配意大利飯，帶子煎得剛剛好，香口又唔會過熟變鞋，飯口感適中不過稔，吸收咗湯汁既味道但不過濃過咸，加少少黑椒實在係錦上添花。當中仲有蘆筍混入其中，食落就唔會太膩了。朋友揀既係安格斯牛扒配虎蝦，我唔食牛冇試到，不過朋友話五成生熟煎得啱啱好。
真心食咁多野真係飽到上心口，我地就拎埋杯野飲上天台睇景消化下。天氣咁好，真係唔好浪費戶外空間。
Post