La Paloma

Open Now

Now Closed

自從西營盤站開通後多左唔少特色餐廳，趁周末慢遊西環，行完海濱長廊再去海味街入貨，喺附近搵到呢間餐廳~ 餐廳既燈光加埋西班牙音樂心情特別放鬆，好relax~ 點杯Sangria配合一下，鮮果同紅酒既比例好好，香氣撲鼻!Menu上有西班牙文，英文註解～Ternera Foie gras 造型好似壽司咁，店員用火槍燒上面既生牛肉至半熟，並叮囑要一口吃~ 原來下面既薄脆片包住鵝肝，一啖入口肝油彷如爆出，滿口油香加埋牛肉，層次出哂黎!!Patatas Bravas 其實係炸馬鈴薯粒，外脆內面超鬆軟，配埋微辣醬汁非常香口。Gambas Al Ajillo 蒜香蝦，蝦已經半去殼，蔥蒜味香濃，蝦頭既蝦膏仲特別鮮味~ 我將蝦肉放喺多士上食加埋香蒜汁，惹味好香特別推介Churrasco de buey 和牛肋排，燒既時間拿掐得好好，肋骨邊既肉質鮮嫩軟滑，肉汁豐富。配菜有唔辣既青椒，炸甜薯~平時比較多食蕃紅花既西班牙海鮮飯，呢度就有Arroz Negro墨汁飯，用一大個平底圓鑊上桌，店員會幫忙分配。墨汁量好多，上面有蝦、蜆、青口加埋墨汁飯入面既墨魚粒鮮味十足~ 食到成咀黑哂真係好好笑雖然好飽，但有埋甜品一餐