Video
Read full review
2007-06-28
31 views
洲際價錢,元氣享受我同老婆係S.A.E.嘅常客,有感她們在壽司刺身水準有所下降,决定再找有間更好的壽司店,在飲食男女內看到悅壽司,我們於是去試一試...我們好少看價錢(一般只吃壽司不吃刺身,收費800/人,是算很飽和滿足的了),一坐低睇睇餐牌,見唔到壽司嘅撰擇(極少)於是問待應有乜好食,她說金目錭,深海池魚,海膽,蠔,帶子,牡丹蝦,油金魚,Toro等等我就問Toro幾錢(一般最貴是Toro壽司),她說$100蚊件(有根的大Toro,我喜愛的是霜降的o-Toro而不是同級的大根),我說不要了我們就要了以下的壽司:金目錭,深海池魚,海膽,牡丹蝦,油金魚,魷魚,店員覆order每樣兩件,我話係再加一支細嘅玉乃光壽司在十分鐘後兩件兩件咁到,個深海池魚壽司細細件两隻手指咁粗嘅壽司飯,都幾靚,一入口....點解冇乜魚味?之後其它都差不多(冇乜魚味)連最濃味嘅牡丹蝦都唔夠鮮味,不過免費嘅 炸蝦頭、蝦殼和蝦尾就唔錯.....點解有蝦尾?....我哋食壽司果時以經連蝦尾上枱.....個海膽最對板冇異味,不過底層果D溶溶哋(唔夠新鮮至會溶)唔記得講喺 深海池魚壽司之後D 飯只得一隻手指咁粗,肉就相對減少由
我同老婆係S.A.E.嘅常客,有感她們在壽司刺身水準有所下降,决定再找有間更好的壽司店,在飲食男女內看到悅壽司,我們於是去試一試...
我們好少看價錢(一般只吃壽司不吃刺身,收費800/人,是算很飽和滿足的了),一坐低睇睇餐牌,見唔到壽司嘅撰擇(極少)於是問待應有乜好食,她說金目錭,深海池魚,海膽,蠔,帶子,牡丹蝦,油金魚,Toro等等
我就問Toro幾錢(一般最貴是Toro壽司),她說$100蚊件(有根的大Toro,我喜愛的是霜降的o-Toro而不是同級的大根),我說不要了
我們就要了以下的壽司:金目錭,深海池魚,海膽,牡丹蝦,油金魚,魷魚,店員覆order每樣兩件,我話係再加一支細嘅玉乃光
壽司在十分鐘後兩件兩件咁到,個深海池魚壽司細細件两隻手指咁粗嘅壽司飯,都幾靚,一入口....點解冇乜魚味?
之後其它都差不多(冇乜魚味)連最濃味嘅牡丹蝦都唔夠鮮味,不過免費嘅 炸蝦頭、蝦殼和蝦尾就唔錯.....點解有蝦尾?....我哋食壽司果時以經連蝦尾上枱.....
個海膽最對板冇異味,不過底層果D溶溶哋(唔夠新鮮至會溶)唔記得講喺 深海池魚壽司之後D 飯只得一隻手指咁粗,肉就相對減少
由於食唔飽同炸蝦嘅關係,喺老婆(老板)嘅強烈反對聲中,我再order金目錭,牡丹蝦,油金魚壽司(今次冇覆order都識俾每樣兩件)同一支細嘅玉乃光(因為個炸蝦頭尾),都係一隻手指咁粗同冇乜鮮味(牡丹蝦都算大隻),我同老婆講算啦又冇叫貴野,今次試咗唔好下次咪唔嚟囉....
埋單...玉乃光一支$250(我知到的)X2=$500,其它壽司每件計(呢個我真係唔知,我以為Toro貴D先至逐件計)一般都係每兩件計,如S.A.E.或串過碼頭咕哩嘅佳文....等等...
牡丹蝦$100一件X4=$400(未食過咁貴),其它一隻手指咁粗嘅壽司平均$50一件(未加一),總數$1,780,一人9件壽司加兩支細玉乃光...
我老婆喺 淑女都火火哋(平時D 嘢好食$1,000一位都好滿足咁走),今次真係怕老婆會發達...ha..ha,早知聽佢講...
平時冇揸 車,飲完酒,幾遠都搭的士走,今次罰我搭巴士(離屋企好近+醉醉哋)
估唔到食壽司,自己變身A5和牛,俾悅壽司個老板食.....慘....
Post