Video
Read full review
2023-06-24
59 views
肉料理 廣 係一間我最鍾意食嘅燒肉之一。餐牌有好多套餐都好吸引，最後揀咗2人份A5飛驒牛十部位套餐$1180。個套餐包括16件A5飛驒牛燒肉、4件炙燒A5飛驒牛壽司。配 2份白飯、麵豉湯、漬物、茶碗蒸、野菜醋物沙律或燒野菜拼盤。蔬菜揀咗燒野菜拼盤。另外加$80仲可以升級多款石鍋飯，見到石鍋牛肉咖哩飯好吸引就叫咗☺️店員推介和牛他他，所以我哋都叫咗一份。先有麵豉湯同茶碗蒸。麵豉湯有海帶、豆腐。茶碗蒸蛋嫩滑，入邊有日式魚蛋、蝦等。之後到和牛他他，和牛切成一條條，肉色紅潤，將生蛋同啲肉撈勻，更加提升牛嫩滑嘅口感，食得出牛嘅原味道。炙燒A5飛驒牛壽司分別有炙燒赤身及炙燒霜降兩款。兩款都入口即化，肉質極嫩，牛肉香味濃郁，真係好好味😋燒肉部份係A5飛驒牛：部位有西冷、肉眼芯、里脊肉、上後腰脊肉、臀骨肉、和尚頭、亀之子及友三角。每款部位都有唔同嘅味道同口感。我最喜歡嘅係西冷同肉眼芯，肉汁豐富，油脂好香，肉質軟腍🤤。里脊肉及上後腰脊都瘦而不柴，有油脂香，正！肉臀骨肉口感肥美。和尚頭、亀之子及友三角都牛味香濃，美味度難分高下。全部都高質。配菜方面我哋揀咗燒野菜拼盤，有粟米🌽、蘆筍、南瓜🎃、茄子🍆、洋蔥🧅、
肉料理 廣 係一間我最鍾意食嘅燒肉之一。餐牌有好多套餐都好吸引，最後揀咗2人份A5飛驒牛十部位套餐$1180。個套餐包括16件A5飛驒牛燒肉、4件炙燒A5飛驒牛壽司。配 2份白飯、麵豉湯、漬物、茶碗蒸、野菜醋物沙律或燒野菜拼盤。蔬菜揀咗燒野菜拼盤。另外加$80仲可以升級多款石鍋飯，見到石鍋牛肉咖哩飯好吸引就叫咗☺️
店員推介和牛他他，所以我哋都叫咗一份。
先有麵豉湯同茶碗蒸。麵豉湯有海帶、豆腐。茶碗蒸蛋嫩滑，入邊有日式魚蛋、蝦等。
之後到和牛他他，和牛切成一條條，肉色紅潤，將生蛋同啲肉撈勻，更加提升牛嫩滑嘅口感，食得出牛嘅原味道。
炙燒A5飛驒牛壽司分別有炙燒赤身及炙燒霜降兩款。兩款都入口即化，肉質極嫩，牛肉香味濃郁，真係好好味😋
燒肉部份係A5飛驒牛：部位有西冷、肉眼芯、里脊肉、上後腰脊肉、臀骨肉、和尚頭、亀之子及友三角。每款部位都有唔同嘅味道同口感。我最喜歡嘅係西冷同肉眼芯，肉汁豐富，油脂好香，肉質軟腍🤤。里脊肉及上後腰脊都瘦而不柴，有油脂香，正！肉臀骨肉口感肥美。和尚頭、亀之子及友三角都牛味香濃，美味度難分高下。全部都高質。
配菜方面我哋揀咗燒野菜拼盤，有粟米🌽、蘆筍、南瓜🎃、茄子🍆、洋蔥🧅、冬菇。
最後，甜品係紅豆同開心果味雪糕，好滑身，甜度啱啱好。
呢個餐好豐富，食到飽飽。Post
