NUTMAD cafe and dining (Moved) New Location

餐廳位於觀塘，好接近地鐵站。餐廳由附近舊嘅工廠大廈轉到新裝修好嘅商業大廈，見到呢間咁有質素嘅餐廳擴展我都好戥佢地開心，其實佢哋係中西fusion菜，仲要性價比好高。宮保雞丁辣椒意大利卷粉唔算太辣，佢用咗四川嘅嗰種麻辣去炒意粉，所以食落口係麻香嘅感覺。個卷粉因為係向內卷住嘅，所以每條粉沾到嘅醬汁好多，加埋其他中式香料，好有fusion感覺，佢上面仲加咗啲炸咗脆脆地嘅蟲草花，即刻提升左層次。松葉蟹件開心果香草醬意大利麵大概係有半隻蟹放咗喺意粉嘅上面，蟹肉幾有口感，個擺盤好靚(不過你要用刀叉慢慢拆肉😂)，開心果醬同個香草醬溝埋一齊會食到少少開心果味，香草醬會出好多，因為佢有新鮮basil同埋幾herby，感覺幾 fresh。