Deer Kitchen (The Wave) (Closed)

又去左 Deer Kitchen 食飯啦～ 事源派帖之旅繼續進行中，成功約到好耐冇見嘅朋友，咁當然要約一間舒服啲嘅餐廳好好傾吓偈啦 😆 上次去 Deer Kitchen 食飯覺得氣氛好好，而且又坐得好舒服，而家仲要俾我發現佢有一個好似 Afternoon Tea Set 嘅 Dinner Set，當然要打卡 Girls‘ Talk 一次過進行啦 😍鹿鹿鳥籠盛宴金色嘅鳥籠入邊有頭盤、湯、小食、主菜同埋甜品，套餐入邊仲要包咗兩杯嘢飲，可以揀特飲或者咖啡同茶，望住個set 入邊放滿左唔同嘅美食，賣相勁吸引，完全係食指大動 🤤頭盤：鹿鹿沙律、巴馬火腿蜜瓜、龍蝦濃湯沙律入邊有兩片辣肉腸，香口惹味得黎，又唔會太單調；龍蝦濃湯夠香濃，仲要有粒粒龍蝦喺入邊 😍 配埋個唔太鹹嘅巴馬火腿，成功令我哋打開胃口 😋小食：海苔魷魚、脆脆雞翼、明太子蟹肉酥盒個雞翼好正 🤤 就算我哋打咗一輪卡有少少凍，依然仲可以keep到脆脆地 👍🏻 魷魚都炸得好香口，又夠彈牙；至於明太子蟹肉酥盒就更加係MVP，明太子嘅鹹香提升左蟹肉嘅鮮味，加上少少沙律醬同埋帶牛油香嘅酥皮，幾樣配料都夾得好好 😆主菜：澳洲草飼牛板腱扒、海魚柳拼芒