喜多嬉牡蠣屋 (Closed)

Again放題之《喜多嬉牡蠣屋》較早前食過一次，已經念念不忘，因為生蠔串燒放題以黎，$538真係唔算貴，，生蠔 / 焗蠔 / 串燒任君選擇，生啤放題$58 / 位，餐廳座位之間有距離，傾計都唔怕比人聽到，環境舒服，燈光氛暗有氣氛，時令海鮮湯：味道清清地，蝦肉鮮味，海鮮湯有熱壺keep到溫度，好貼心。喜多嬉時令懷石八品：職員介紹食法，由味道淡開始起食，擺盤十分精緻，一定要打卡打相先，梅子漬車厘茄味道清新，青瓜漬爽口，刺身係帶子同三文魚，刺身好新鮮，燒鰻魚好香口，吞拿魚蓉入口即溶，龍蝦肉羮，口感有點大菜膏。生蠔：有六種口味，原味、蔥花、昆布漬、雞尾酒汁、柚子啫哩、辣椒蘿蔔蓉。生蠔唔算好大隻，但好新鮮，我比較欣賞既係柚子啫哩、昆布漬，味道幾特別。串燒：款式選擇多，各樣都燒得唔錯，唔會燒到燶哂同黑邊，雞腎好爽口，翠肉瓜同秋都好清甜，串燒order左幾round。牡蠣手廷烏冬：份量細細碗，烏冬口感彈牙，烏冬湯底有蠔仔，味道鮮甜。甜品：係柚子芝士蛋糕，味道甜甜地，好岩女士們。總結，環境好適合傾計，食物有質素，職員招呼週到。