Video
Read full review
2022-08-06
946 views
尖沙咀有唔少高質素嘅居酒屋，光顧過唔少日式小店🇯🇵 Akoya絕對係我心目中既第一位🥇介紹下食咗咩先~白粟米 $60係當日嘅廚師推介，當然要試下!! 日本直送嘅白粟米，可以好似生果咁生食，糖度可以高達18度，比蜜瓜更甜而且帶忌廉味道😍 白粟米粒粒飽滿，喺日本有珍珠粟米之稱，一口咬落去已經爆汁，十分清甜👍鮮蝦牛油果沙律 $78係我最愛嘅🥑🦐 沙律，可能影得唔係太清楚，牛油果、蝦肉放喺挖空咗嘅牛油果入面，配上海量沙律醬，正🙌🏻明太子煎蛋卷 $78睇到Openrice嘅相已經超想食，果然無揀錯😌 輕輕切開蛋卷，入面嘅明太子隨即好澎湃地湧出嚟!! 蛋卷煮得恰到好處，中間部分仲係流心，口感十分幼滑😋炭火燒拼盤6串 $180宮崎A4和牛串 $148去居酒屋一定要食串燒!! 見到menu每款都想食，點算好？一於嗌炭火燒拼盤6️⃣串，包括雞軟骨、自家製免治雞肉串、雞翼、鵪鶉蛋、青椒仔、雞肝😍 自家製免治雞肉串咬落十分有口感，食到嫩滑嘅免治雞肉粒，配上蛋黃+日式醬油，好好食👍 雞軟骨、雞翼都燒得好惹味，仲有比較少食到嘅雞肝，烤到表面勁香脆💯大力推薦宮崎A4和牛串，一串有三件厚切A4和牛粒，入口即化，成個口充
白粟米 $60
係當日嘅廚師推介，當然要試下!! 日本直送嘅白粟米，可以好似生果咁生食，糖度可以高達18度，比蜜瓜更甜而且帶忌廉味道😍 白粟米粒粒飽滿，喺日本有珍珠粟米之稱，一口咬落去已經爆汁，十分清甜👍
鮮蝦牛油果沙律 $78
係我最愛嘅🥑🦐 沙律，可能影得唔係太清楚，牛油果、蝦肉放喺挖空咗嘅牛油果入面，配上海量沙律醬，正🙌🏻
明太子煎蛋卷 $78
睇到Openrice嘅相已經超想食，果然無揀錯😌 輕輕切開蛋卷，入面嘅明太子隨即好澎湃地湧出嚟!! 蛋卷煮得恰到好處，中間部分仲係流心，口感十分幼滑😋
炭火燒拼盤6串 $180
宮崎A4和牛串 $148
去居酒屋一定要食串燒!! 見到menu每款都想食，點算好？一於嗌炭火燒拼盤6️⃣串，包括雞軟骨、自家製免治雞肉串、雞翼、鵪鶉蛋、青椒仔、雞肝😍 自家製免治雞肉串咬落十分有口感，食到嫩滑嘅免治雞肉粒，配上蛋黃+日式醬油，好好食👍 雞軟骨、雞翼都燒得好惹味，仲有比較少食到嘅雞肝，烤到表面勁香脆💯
大力推薦宮崎A4和牛串，一串有三件厚切A4和牛粒，入口即化，成個口充滿和牛油脂香🤤 完全無筋，十分嫩滑，忍唔住即刻encore多串😈
蘋果梳打 $38
見到menu有好多清酒、燒酒、梅酒俾客人選擇，唔飲酒嘅話選擇係少啲，但蘋果梳打一啲都唔hea! 好清甜，解渴消暑一流🙌🏻
刺身拼盤 $380
依個拼盤包括7款刺身: 大拖羅、鰹魚、池魚、間白、鯛魚、左口、魷魚🐟 好靚嘅擺盤，影咗好耐相先捨得食!! 唔止靚，每塊都超鮮甜😋 最喜歡極肥美嘅大拖羅，脂肪分佈好似雪花一樣，富天然魚油脂嘅甘香，入口即化，超級正!!
雞湯卡邦尼拌烏冬 $88
嘩嘩嘩係我最愛嘅卡邦尼拌烏冬，真係睇見都流口水啦!! 每條煙韌嘅烏冬都沾滿濃厚嘅卡邦尼汁，仲有流心蛋，撈埋一齊食真係💯
肉厚活3年帆立貝 $138
依款肉厚活3年帆立貝用小火溫著，除左打卡一流，新鮮嘅北海道帆立貝喺相機拍攝時慢慢煮至熟透🔥食落真係超鮮甜，口感一流，連帶子邊都好好食👍
銀鱈魚西京燒 $138
本身唔太鍾意食魚嘅我，對住依道銀鱈魚西京燒都搶住食🫢 一片片嘅魚肉，證明銀鱈魚好新鮮，滿口魚油脂嘅甘香，唧埋檸檬🍋汁更感清新!!
雞蛋布甸 $38
豆奶布甸 $38
最後又點少得甜品🍮 Akoya嘅布甸係自家製，諗左好耐試雞蛋布甸定豆奶布甸😛 Why not both? 布甸好幼滑又充滿蛋香，焦糖超濃郁不過相對較甜🙂 唔想食太甜嘅絕對要試豆奶布甸，原來豆奶用黎整布甸係咁夾，下次一於係屋企試下整💪🏻
Post
