安南 (又一城) (Closed)

又一城安南的越式 high tea set 最近轉咗 menu，而家因為無晚市堂食，所以 11am-6pm 全日供應，$328+10% for 2 persons，3pm 後下午茶時段入座有八折。小食有五咸五甜，另外每人半隻燒大頭蝦，每人仲有一大碗粉，除咗招牌牛河之外，一定要試蟹仔肉番茄湯粉，個湯好飲到一滴都無剩，勁大碗，好飽肚，仲包兩杯飲品，超抵食。咸點最好食係蝦多士同蒜蓉牛油雞翼，軟殼蟹米紙卷大大件好足料，燒大頭蝦雖然唔係好大隻，但蝦頭勁多膏，好甘香，越式蘿蔔糕無乜特別。甜點最愛法式焦糖焗蛋，又香又滑，西米斑蘭糕都係我的至愛，清香軟糯，大愛。我見大部份人都坐喺望住溜冰場嗰邊，室內反而好冷清，不過我鍾意靜靜地傾偈一流。