Video
Read full review
2006-09-10
10 views
昨夜英超大戰Merseyside Derby.對愛華頓球迷黎講,一季兩戰利物浦,係大戰之中之大戰.兩者的歷史仇恨,不在此詳述.一早在灣仔迪蘭尼酒館安排一大張長檯,坐足十六人,全部都係愛華頓球迷.藍海飄揚,Pub內也有點老外利物浦球迷.未入pub前,在門口小食店,已經比兩面外籍利物浦迷挑釁.Liverpool,Liverpool!)開早場之緣故,所以仲在Happy hour時段.人未到齊先來一pint Kilkenny.開波前眾球迷陸續到場,點些小吃大家分.應該錯不了.雖然踏入九月,蠔的季節已到.不過店內尚未有生蠔供應.想吃便要遲一點.年前曾恨批此店的炸魚薯條,今次吃沒有早前的那麼厚漿.條Cod亦很嫩滑.炸蟹餅似魚餅,多過蟹餅.唔掂.小食拼盤基本上係泰式,在Irish Pub吃泰式小食又有點怪.無咩所謂,送到酒就得.Lamp Stew呢個用麵包盛著羊肉,蘿蔔,薯仔去"燉"的Irish cusine,羊肉酥味不重,味道很清新,有點似係清湯羊肉的感覺.眾人最後,連麵包也不放過吃清光.食物水準不是重點,最重要係,今次己隊終於爭一口氣.全場三次忘我歡呼,三比零完場,很久沒有試過睇愛華頓比賽,睇得
一早在灣仔迪蘭尼酒館安排一大張長檯,坐足十六人,全部都係愛華頓球迷.藍海飄揚,Pub內也有點老外利物浦球迷.未入pub前,在門口小食店,已經比兩面外籍利物浦迷挑釁.Liverpool,Liverpool!)
開早場之緣故,所以仲在Happy hour時段.人未到齊先來一pint Kilkenny.開波前眾球迷陸續到場,點些小吃大家分.應該錯不了.雖然踏入九月,蠔的季節已到.不過店內尚未有生蠔供應.想吃便要遲一點.
年前曾恨批此店的炸魚薯條,今次吃沒有早前的那麼厚漿.條Cod亦很嫩滑.炸蟹餅似魚餅,多過蟹餅.唔掂.小食拼盤基本上係泰式,在Irish Pub吃泰式小食又有點怪.無咩所謂,送到酒就得.
Lamp Stew呢個用麵包盛著羊肉,蘿蔔,薯仔去"燉"的Irish cusine,羊肉酥味不重,味道很清新,有點似係清湯羊肉的感覺.眾人最後,連麵包也不放過吃清光.
食物水準不是重點,最重要係,今次己隊終於爭一口氣.全場三次忘我歡呼,三比零完場,很久沒有試過睇愛華頓比賽,睇得那麼痛快.負方仲要係利物浦,眾人情緒,統統處於狂喜狀態.
完場有個老外利迷,沉不住氣過來"挑機".我們亦手口並用回敬.亦有個Smart Casual老外利迷,過來恭喜我們.在Irish Pub睇波,氣氛點都好得多.加上一班不可多得,相同宗教信仰的球迷朋友,真係此刻無價.
All together now!For EVERTON!
Post
