C+ Bar & Cuisine (Closed)

由鶴園街見完客之後到紅磡美食街覓食，美食街，即係崇潔街，地下大部份舖頭都係食肆。有甜品，西餐，泰國菜，茶餐廳，日本菜，最後，我們選擇了一間環境不錯的西餐廳。因為時間尚早，餐廳應該只係開店無耐，入到只有我們兩個，被安排了坐卡位。枱面有已放好的餐具同餐巾，另有一個介紹生蠔同白酒的優惠，未得到批准下，不可點酒精飲品。轉研究main menu，食物選擇不少，但由於只係小食，點了：牛油果鮮蝦柚子沙律三樣都係我鍾意嘅食物，牛油果生熟剛剛好，不會熟到軟淋淋或太生，蝦好似有四至五隻，中間的殻已經無左，所以都方便進食。但柚子，坦白說，分量偏少呢！而沙律汁調教得不錯，酸度適中，作為前菜有開胃功用。之後來一個Fish & Chips, 三大舊魚，脆漿較厚，不過好在唔油，而魚亦味道不錯及都算厚身。薯條都係即整，不錯！最驚喜係飲品，餐牌上飲品有不少選擇，其中見到金莎粒咖啡沙冰，因為唔飲得咖啡，原本以為無得飲，好彩你提議將咖啡轉朱古力奶！而餐廳亦都樂意幫助。杯朱古力上枱時好靚，中間有小山丘般的金莎朱古力打成的冰沙。攪拌完之後，每一啖都有朱古力幼粒，加上最上面的忌廉增加滑度。而朱古力奶本身都不錯，甜度適中而且不會過