Video
Read full review
2019-03-13
38 views
Amitie Kitchen放咗工喺尖沙咀覓食， 嚟到呢間喺樓上嘅店舖環境優美，係一個唔錯嘅聚腳點，而且店入面仲有兩間獨立房，可以約埋一大班朋友開party精選晚市套餐有五款， 價格有200至400蚊不等頭盤嚟喇 餐包有兩種， 圓形嗰款比較軟， 而長條嗰款呢就比較硬， 於是我就用咗比較硬嗰一款餐包嚟到點餐湯食， 而是日餐湯係薑汁甘薯忌廉湯， 個餐湯比較濃同傑， 味道唔錯， 感覺有少少似食緊蕃薯糖水， 而餐包下面係灑滿芝士粉嘅脆餅條，食落口香味十足，點餐湯一齊食都好好味香煎西班牙墨魚仔配辣肉腸(左)醬汁食得出有好強烈嘅柚子味， 估唔到有同沙律菜辣肉腸咁夾喎燒紅菜頭、菲達芝士合桃沙律伴黑醋汁(右)紅菜頭味道濃烈，粒粒合桃令到沙律更有口感， 而菲達芝士中和黑醋嘅酸味令到成個感覺唔會太膩芝士bbq醬燒美國豬仔骨(3支骨)豬仔骨上面有大塊芝士呀 而且擺盤亦都好靚， 當然就梗係相機食先啦， 然後再到我慢慢享用， 豬仔骨兩邊煎到有少少脆口， 加上酸酸甜甜嘅bbq醬味道突出， 食落口唔覺油膩，芝士成為咗呢度煮菜嘅點綴 原先以為得三支骨會好少， 點知嚟到都有成塊扒咁大， 薯條炸到金香脆口， 加上炸過嘅香
放咗工喺尖沙咀覓食， 嚟到呢間喺樓上嘅店舖
環境優美，係一個唔錯嘅聚腳點，而且店入面仲有兩間獨立房，可以約埋一大班朋友開party
精選晚市套餐有五款， 價格有200至400蚊不等
頭盤嚟喇 餐包有兩種， 圓形嗰款比較軟， 而長條嗰款呢就比較硬， 於是我就用咗比較硬嗰一款餐包嚟到點餐湯食， 而是日餐湯係薑汁甘薯忌廉湯， 個餐湯比較濃同傑， 味道唔錯， 感覺有少少似食緊蕃薯糖水， 而餐包下面係灑滿芝士粉嘅脆餅條，食落口香味十足，點餐湯一齊食都好好味
香煎西班牙墨魚仔配辣肉腸(左)
醬汁食得出有好強烈嘅柚子味， 估唔到有同沙律菜辣肉腸咁夾喎
燒紅菜頭、菲達芝士合桃沙律伴黑醋汁(右)
紅菜頭味道濃烈，粒粒合桃令到沙律更有口感， 而菲達芝士中和黑醋嘅酸味令到成個感覺唔會太膩
芝士bbq醬燒美國豬仔骨(3支骨)
豬仔骨上面有大塊芝士呀 而且擺盤亦都好靚， 當然就梗係相機食先啦， 然後再到我慢慢享用， 豬仔骨兩邊煎到有少少脆口， 加上酸酸甜甜嘅bbq醬味道突出， 食落口唔覺油膩，芝士成為咗呢度煮菜嘅點綴 原先以為得三支骨會好少， 點知嚟到都有成塊扒咁大， 薯條炸到金香脆口， 加上炸過嘅香草菜， 味道唔錯，而份量亦絕對可以滿足到我個肚仔
芝士芝士，好大塊芝士
北海道帶子蘑菇意大利飯伴黑松露
侍應未行都埋嚟已經聞到陣陣嘅黑松露香味， 令到大家嘅注意力不禁集中咗喺侍應身上， 帶子粒粒都好大粒呀而且仲好厚添， 兩邊煎到金黃色好香口， 意大利飯上面有一片片嘅硬芝士， 令到成個飯嘅香味更加高， 當我食第一啖飯嘅時候就發覺原來個飯除左有黑松露仲有落左芝士煮，令到飯與飯中間有好多拉絲嘅芝士出現，味道極為香濃，食落口香氣直逼鼻腔， 可以用香濃美味嚟形容呢一個飯 而且份量都唔少㗎
帶子帶子，好大粒帶子
熱情果芒果橙紅茶
一鼓香甜味撲入鼻腔， 飲落清清淡淡
宇治抹茶牛奶朱古力
飲落淡淡嘅抹茶味滲出嚟， 牛奶朱古力唔會太過甜， 而最令我驚喜嘅係上面嘅cream， 佢嘅cream硬身得黎仲有D似食緊雪糕，幾特別
2個人埋單500蚊有找，仲要食到抱住個肚仔走
整體嚟講呢間舖頭嘅食物質素真係唔錯，有驚喜，而且環境舒適， 好適合一班朋友嚟聚舊聚餐嘅地方，正
Post
