Uncle Tetsu's Cheesecake (Closed)

約左朋友在旺角食飯，上網見Angel's Hat Chesse Cake係旺角店獨有，加上不用排隊心思思想買返個，順便賀下朋友生日，於是在店員慫恿下買左個大...... 據店員解釋，Angel's Hat Shaped Cheese Cake 係牛奶芝士蛋糕，係要冷藏，所以我們有叫餐廳店員幫我們雪入雪櫃，直至我們食完飯為止。望落去好乾，但食落去是濕濕黏黏，加上唔知係唔係因為冷藏而回縮得再厲害d的關係，一d都沒輕乳酪蛋糕咁綿密鬆軟，食不出芝士味，亦食不到牛奶味，相反有好輕微的乳酪味......愈食愈覺是一個潮濕版的雪芳蛋糕！ 五個人食，最後都剩了一大塊，證明真係唔太好食。價錢係便宜，但我同朋友一致口徑——不推薦試。