麥當勞

Open Now

Now Closed

麥炸雞呢間不嬲都無得輸，同場KXX又細又無肉又濃味又貴過呢間。咁無理由唔食咬落啖啖肉，有少少辣但又啱啱好入晒味呢間㗎？！～都無理由對唔住自己荷包㗎嘛～邊間平啲兼且又好食啲，唔通仲要諗呀～不過蘋果批就例外啦～今日11蚊都要買，因為爸爸想食。我通常等到5蚊先買㗎～明明以前都係平嘢來㗎之嘛！做咩加價加到咁呢？所以佢應該推多啲特價嘢，咁等特價而又啱食咁米可以幫下我呢啲窮人囉～新出呢杯玫瑰士多啤梨latte真係好鬼甜，我無勇氣下次叫佢少甜，因為明知係糖漿比味，少咗就試唔到佢本身咩味，所以今次試完就唔會再叫，都係叫番啲正常平時飲嗰啲啦～😜🤣