麥當勞

Open Now

Now Closed

雖然心思思想食curly fries，但一年比一年差，我下年都係唔再比機會佢啦～味“精”濃，好重味，過份脆口，唔知係米放太耐呢～所以番炸就無咩肉係入面，得好少叫有啲肉地，個感覺就好似平時炸嘢食，炸完晒啲嘢食之後，將剩係隻鑊嗰啲撈上來，有啲人好鍾意食，因為好脆好好食喎，不過我唔鍾意食呢種質感。睇吓有無機會其他時間試吓可能會好啲？🤔咁McNuggets就不嬲都無問題嘅～杯咖啡就睇人啦～唔同人冲唔同味道～有時冲得仲好飲過星XX㗎，今晚呢個都算可以。咖啡呢門手藝，真係好講間公司對員工好唔好。員工好就對佢地好啲留住啲好員工。

麥炸雞呢間不嬲都無得輸，同場KXX又細又無肉又濃味又貴過呢間。咁無理由唔食咬落啖啖肉，有少少辣但又啱啱好入晒味呢間㗎？！～都無理由對唔住自己荷包㗎嘛～邊間平啲兼且又好食啲，唔通仲要諗呀～不過蘋果批就例外啦～今日11蚊都要買，因為爸爸想食。我通常等到5蚊先買㗎～明明以前都係平嘢來㗎之嘛！做咩加價加到咁呢？所以佢應該推多啲特價嘢，咁等特價而又啱食咁米可以幫下我呢啲窮人囉～新出呢杯玫瑰士多啤梨latte真係好鬼甜，我無勇氣下次叫佢少甜，因為明知係糖漿比味，少咗就試唔到佢本身咩味，所以今次試完就唔會再叫，都係叫番啲正常平時飲嗰啲啦～😜🤣

今次第2次食McGriddles ，依然好食，人人都食過日本嗰個，不過我未食過，無得同日本比較。但我食過加拿大嗰個 McGriddles ，好明顯加拿大甜好多，大致上一樣，只不過每樣嘢都薄少少，但因為有糖漿嘅關係，食完都會好飽。薯餅今日好脆，今日係全個脆，上次食只係剩番個邊脆。媽咪最愛食薯餅，通常我都會比咗佢食😜 今日試奶茶，平時都會飲latte，奶茶以lipton奶茶來計，好明顯好飲過同場兩間大嘟嘟嘅奶茶。佢濃啲同滑啲，感覺一致啲，唔會好似奶水分離咁。

彩明呢間老麥都算不過不失㗎啦～好多時都好好食㗎，水準都有8成keep得到～只係偶意會失下手咁囉！出面好多老麥都已經唔可以放入口㗎啦！呢到啲包起碼唔會扁踢踢或者乾噌噌咁。又唔會太多或者太少醬。塊魚柳入面仲有肉，唔會好似食柴皮咁。有時有啲炸過火，好似食緊嗰兩塊炸粉皮咁，乾噌噌硬框框，頂爛上顎，根本食唔到。今日10蚊杯奶昔，米入去湊下熱鬧，不過我無買奶昔喎 😜 好彩唔洗等，同埋今日個包好靚仔呀，完全無問題。

想叫新嗰個楓糖漢堡，尋日明明喺櫃位落到單，今日又話一定要app，經理話尋日嗰個同事做壞規矩👌🏻。但係呢個app設計好差(1.4評分好多差評)，焗住要iOS 16，歧視舊機使用者(因為強行更新上去會lag機同燒電)，又冇得用八達通俾，最後咪又係開個code喺櫃位俾錢。明明想嗌單點，經理逼人加錢叫套餐，鋪頭大大個螢幕寫住可以散嗌，佢就係話冇ar唔賣俾你，仲話一係就等8月1號。冇下次，打死我都唔再叫啲俾錢受氣嘅嘢

McDonald’s 📍Hong Kong本身諗住四點落去買，點知發現屋企樓下間麥當勞原來六點先開🥹 一開我就即刻衝落去呢期最Hit嘅McGriddles！🔥⭐️ 楓糖班戟豬柳蛋漢堡套餐 $36.5 (淨包 $25.5）⭐️ 楓糖班戟豬柳漢堡套餐 $35 (淨包 $21.5)個人比較鍾意有蛋嘅版本，食落香啲同埋滿足感大啲，淨係食個包已經飽到食唔落薯餅😂感覺同日本嘅差唔多甜，都係有滿滿嘅楓糖漿夾喺熱香餅皮入邊。不過芝士🧀加埋本身就有啲鹹嘅豬柳蛋，作為早餐都有少少鹹/重口，會有啲想飲水。叫做比起平時普通香餅套餐多一個早餐嘅選擇，香港都食到我收貨㗎啦，會再回購！ 🫡#fookdie麥當勞 #fookdiem記#麥當勞 #mcgriddles #楓糖班戟豬柳蛋#hongkong #hkig #foodie #hkfoodie #熱香餅 #香港美食 #mcdonald #九龍美食 #旺角美食

幫襯左一段時間，一直都好地地。每樣野都幾好食，熱朱古力好飲。直到2023年2月左右，熱朱古力一次比一次差。成杯野稀到完全無味，極度難飲。由2月到而家買左3次，今次係過分到完全無味！

呢間位於將軍澳彩明街1號彩明商場2樓271-272號舖的麥當勞長期需要排隊！深受附近居民歡迎👏但係佢嘅服務態度同埋出餐速度都比其他店舖差及慢！員工可能太忙所以經常都不耐煩！而且經常發生比漏野嘅事件！建議大家外賣嘅時候要check清楚先好走

麥當勞又出番蝦堡了。之後係日本試過覺得好正，但日本係放咗入固定餐牌入面，香港好似一至兩年先出一次，咁難得當然要買黎試下！包好食不在話下，但佢啲升級套餐都好正，薯條變薯格，上面有啲粉真係勁正！杯嘢飲連埋啲菠蘿一齊飲又係勁夾，真係值得一試！

15/05/2019 Wednesday This is the Mc Donald nearby my workplace, the staff is quite friendly although some service can be improved.The self served ordering machine is not ready to use when I came here at 7:15 in the morning. I always use the Mc Donald app to order the food as I hate ordering from the cashier. The woman who takes the order everyday is super super slow and I need to repeat and repeat my request. This is super annoying. However, the staffs who serve the food are quite efficient. The

上次食唔到麥當勞新年嘅期間限定金豬仔蛋糕，今次抓緊機會買呢個復活節期間限定嘅芒果軟心小雞蛋糕。其實應該都係差唔多嘅嘢不過外型唔同咗，除咗好可愛，估唔到又幾好食，有芒果茸、芒果慕絲、海棉蛋糕。唔太甜酸酸地既芒果味，一啲都唔假。原價二十幾，買四隻或嘢飲加錢換大約十八元，比一般大型連鎖蛋糕店的好吃，再加上可愛的外型，也是個不錯的選擇。

呢排見麥當勞又推出返之前好hit既脆皮朱古力新地筒，一直心思思想試一試，睇下同之前既味道有無分別，今日工作到好攰，正好搵d甜野黎刺激一下離遠就見到個牌，寫住可以三個味入面揀一個，咁為食既我當然係要朱古力扭紋，因為可以一次過食晒朱古力同転呢拿既味見到晚餐前既呢d時間都唔太多人，平時應該要等好耐先排到。。。買完見到實物同張相唔係差太遠，個脆皮好脆，食落好有朱古力味，而個扭紋雪糕🍦就不過不失，有齊牛奶同濃厚既朱古力味，不過就好似唔係太凍，好似好快就溶咁，要食得好快先得，唔係就搞到對手污穢晒不過$6就買到咁既甜品已經算好唔錯

以前有得食麥當勞早餐係好開心嘅事， 今日返工之前專登去食， 諗住有個happy morning。 叫咗個早晨精選全餐， 因為係麥樂會會員送多咗一杯橙汁， 打開全餐連平時最鍾意食炒蛋嘅我都冇曬癮， 隻蛋睇落水汪汪， 未熟嘅蛋白勁多， 似係根本未煮好趕住上貨咁 失望…

一早去遲左開門都唔緊要,出品慢,態度唔好..返到屋企打開仲要見到包又燶又爛....隻蛋完全好似未發過...真係無眼睇...唔知以為我係垃圾筒執返黎食既一個大好既早上就咁俾佢破壞左

今期金拱門推出本地化口味，新增港人至愛港式奶茶☕️，唔知會維持幾耐，所以早D試試做promotion每間分店7:00am起送出1000杯試飲。我自問冇咁神心。不過大家唔洗擔心，因為每個老麥APP都會送張coupon。下午茶時間，就去試試。彩明分店啱啱裝修，非常混亂，無需要建議大家唔好去著喇。講返杯茶，真係麻麻地，味道似大X樂嗰杯。唔香唔滑唔濃，好彩仲夠熱。大家試唔試，就自行斟酌一下喇，咪話冇提醒大家