Aqua (Moved) New Location

今日下午去Aqua食Lunch，先講食物，有日本同意大利菜揀，我選意大利Meun，意大利菜賣相好好睇，好睇都唔想食左佢，我都睇左好耐，味道方面雞就一般，但係個薯蓉好好味，應該係我食過最好食的，湯就開胃，但未算好獨特。價錢方面就$288再加一，我覺得主要都係比個裝修同埋個景，始終好似望到維港景，不幸係落緊雨，不過Lunch人流唔多，都係得幾圍有人坐，主要係內地同鬼佬客多，環境都比較靜，適合兩個人去食，不過有樣唔係咁好，就係侍應服務比想像中差，好似催你落單咁，冇咩笑容，冇我覺得一間高級餐廳應有的水準，同埋成日比佢地望住，有少少壓力，我覺得呢方面可以再做好少少。