Aqua (Moved) New Location

生日晚飯，男友一早喺Aqua訂左枱食飯。雖然呢度有意大利的菜式食，但主打卻是食日本菜，而個人因為比較喜歡食意菜嘅關係，所以難免失色左少少。因為一早book左枱，所以獲安排嘅位置都唔錯，可以自成一角，而且亦坐擁維景靚靚嘅景色，位置黎講真係一d都唔輸蝕。不過價錢方面消費真係比較高，因為過左6:30pm原來有最低消費，每人最低消費要$800-$900，以fine dining黎講算高，性價比方面比較弱。雖然坐擁海景景色，但環境真係比較嘈，成晚d音樂開得太大聲，嘈到真係令人有d失望。不過以服務同食物黎講都算唔錯，咖啡好飲， 而且個糖罌好有特色不過二人食飯，點左個湯、兩個main course加兩杯野飲，兩客甜品，都驚死meet唔到個min charge，要夾硬order多一碟壽司。總結：性價比好低，以呢個價錢埋單，其實可以有更好的選擇。