皇鳳 (Under Renovation)

有時和朋友吹水， 大家都不期然有做飲食業的想法， 因為大家也喜歡吃吃喝喝， 最好開 一家， 肥水不流別人田，當中以酒吧最好賺， 而食肆，經過昨晚和朋友去慶生之後，BBQ都應該幾高利錢。選址灣仔聖佛蘭士街的「皇鳳」，選這裡因為有房， 新開，表面上不會太貴， 覺得一試不妨，知道其BBQ是港式， 對食物質素已不予太高期望。訂位有錯漏， 不贅， 只是大家去光顧一些不像太專業的食店時， 自己要跟緊一點。店家在當日早上打來確認我們的booking 與及問我們需不需要預訂他們的雞燉翅和馬友，我問海鮮有否需要預訂？對方答道不用， 我們的海鮮十分充足， 結果？要蟶子冇蟶子。再說食材， 他們供應的海鮮是新鮮的， 扇貝， 鮑魚， 大蜆， 馬友， 但其他食材一個字差， 牛肋骨應該是在大昌買， 羊扒可能係和興行，賣＄68一件， 不過和興行又好似靚啲，有潮苑牛肉餅， 其他蔬菜類應該是「佳寶」， 明白我說甚麼嗎？另一個問題是味道， 全場食物除了馬友燒得不錯， 雞翼幾惹味之外， 食物要不是太乾， 要不是冇味， 要南華會BBQ的食物肯定比這裡好。好， 這家店是由娛樂圈或接近娛樂圈人士開的，所以有充足宣傳， 有十足的