Bagel Gogo

Open Now

Now Closed

Bagel gogo係專賣各種Bagel嘅二人小店，賣夾餡Bagel，單賣Bagel、忌廉芝士抹醬。舖頭有10個位，假日非常滿座，唔少人外賣買走。因為得兩個人做，所以出單比較慢。我嘅Bagel整錯咗要重新製作，所以最後等咗30分鐘，支持小店就要耐心等候啊！*厚切雞扒菠蘿Bagel三文治 $72Chicken chop with bagel sandwich貝果可以喺$25嘅選擇揀，我揀咗洋蔥。貝果微煙韌，唔會太乾，麥香略為少。慢煮雞扒相當厚身、肉嫩帶汁，配料有生菜、罐頭菠蘿片，比較普通。芋泥肉鬆麻糬Bagel三文治 $60Mashed taro meat floss mochi bagel sandwich麻糬可以揀原味/黑糖，質地係滑溜style，個人十分唔喜歡。我揀黑糖味，不過黑糖味未夠特出。芋泥順滑唔甜，但芋頭味未算濃。肉鬆份量最多，味道屬於偏甜嘅肉鬆。因為每種味道都唔算強烈，所以味道配搭上有啲怪怪。Rose latte $40印象中係舖頭招牌，咖啡味同玫瑰味平衡得啱啱好，入面仲有啲甜甜哋嘅玫瑰花瓣，非常加分。