반찬앤쿡 Banchan and Cook (太古城中心)

Open Now

Now Closed

今日到港島太古城中心行街，見呢間 Banchan and Cook 套餐幾抵食，而且餐廳環境都好舒適，所以入去試試。餐廳以開放式格局而且自助形式。自己選座位後出去點餐，亦有自助餐具同飲水區，因此餐廳無收加一服務費。今晚6點已到餐廳，未算多人，所以可以揀到靠窗嘅花花餐枱。嚐吃套餐   $560主菜有4款選擇，可選2款。肉醬牛胸肉蛋包飯牛胸肉份量足，大大片牛胸肉，肉質好嫰。蛋一切落去，有流心效果，好正。蛋包飯再配上肉醬一齊食，味道好出色。墨汁大蝦魚籽意粉墨汁意粉煮得硬度適中，大蝦有4隻，唔算多，但肉質好彈牙。意粉配上大大粒鮮橙色魚籽，食落帶有啖啖魚籽咸鮮。小食有2款選擇，可選1款。燒醬油黑毛豬白切肉配大國生菜 半肥瘦嘅醬油黑毛豬，煮得非常腍嫰多肉汁。生菜包住厚切醬油黑毛豬，配上燒醬同生蒜，十分滿足。甜品方面，侍應話今日賣晒～ 所以甜品可改另一款小食。餐廳做法都算唔錯，因為提供小食選項價錢都貴過甜品。牛肉紫菜包飯飯捲有10件。飯捲配料有牛肉、雞蛋、蘿蔔、青瓜，十分足料，食落層次豐富。自選飲品2杯白桃甜蜜梳打 ,  焦糖脆脆鮮奶咖啡