傷心酸辣粉 (西洋菜南街) (Closed)

又黎食傷心酸辣粉，下午茶時段黎有茶餐，一個小食配一碗粉都係三十幾蚊，幾抵架。發覺自己都幾唔食得辣，今餐全部都要bb辣。麻辣脆耳肚絲豬耳比例較多，仲有少少青瓜絲，幾爽脆，少少辣過引。鹵水併盤無上次食咁鹹，但依然滷得入味，好食。酸辣粉，bb辣都幾辣下喎，少少鹹菜同花生，紅薯粉彈牙，唔錯。加錢要左餐飲，凍熱檸茶，都係唔好飲嘅，但都入得口，好過上次飲泥水。