Video
Read full review
2015-07-04
2995 views
最近在整理Dropbox相薄，才發現這些被我遺忘的照片。那是一大堆甜品和特飲，我們經過的時間，發生的事情仍然歷歷在目，也見證著人是如何多變。怎樣也好，反正已經決定將部分感覺及記憶拋棄掉。嘗試面對現在的一切，不想逃避了。Warm Skillet Cookie & Cream（Medium） 暖曲奇配奶油 $59 曲奇用鐵鍋熱住上，講真佢中型都係好細架咋。大概係Pacific Coffee大曲奇既大小。端上桌後不久，職員就手拿一個小鍋過黎。我地當然都係好煩咁一齊嗌停佢，等我地準備好手機相機先。 從小鍋流出來的是稠滑濃郁既奶油。雪白既奶油徐徐覆蓋褐啡既朱古力曲奇，變成白白的一鍋甜品。事不宜遲，我地都應該趁佢未凍，奶油入口冇咁膩既時候食左佢！ 因為蓋滿表面，不得不先嚐奶油。黏稠細滑，忌廉香氣在每個味蕾霸道橫行，縈繞著，久久不散。對奶油愛好者來說，一定係天大既喜訊。可惜，我真係好憎太過膩太過稠既奶製品味道…… 暖熱微溶既軟身朱古力曲奇真係無人能及既小伙伴！！！！！朱古力香氣及甜味一出，奶油馬上要靠邊站。暖而稔既曲奇在口中慢慢軟化，直至有少許像布朗尼既泥感漿感。此時，只會嚐到朱古力既甜度及
暖曲奇配奶油
$59
176 views
6 likes
0 comments
曲奇用鐵鍋熱住上，講真佢中型都係好細架咋。大概係Pacific Coffee大曲奇既大小。端上桌後不久，職員就手拿一個小鍋過黎。我地當然都係好煩咁一齊嗌停佢，等我地準備好手機相機先。
從小鍋流出來的是稠滑濃郁既奶油。雪白既奶油徐徐覆蓋褐啡既朱古力曲奇，變成白白的一鍋甜品。事不宜遲，我地都應該趁佢未凍，奶油入口冇咁膩既時候食左佢！
因為蓋滿表面，不得不先嚐奶油。黏稠細滑，忌廉香氣在每個味蕾霸道橫行，縈繞著，久久不散。對奶油愛好者來說，一定係天大既喜訊。可惜，我真係好憎太過膩太過稠既奶製品味道……
暖熱微溶既軟身朱古力曲奇真係無人能及既小伙伴！！！！！朱古力香氣及甜味一出，奶油馬上要靠邊站。暖而稔既曲奇在口中慢慢軟化，直至有少許像布朗尼既泥感漿感。此時，只會嚐到朱古力既甜度及香味，奶油根本不是一回事！雖然話甜得黎，稍欠我個人著迷既苦香，但都足以除去奶油既奶膩。因此我覺得配搭起來，反而又唔算過份甜過份膩。
蘋果批伴法式奶蛋醬
$63
120 views
2 likes
0 comments
蘋果批唔係用鍋熱住上枱，不過都係有醬汁要淋既。今次淋上既就係法式奶蛋醬，顧名思義，有奶，有蛋。醬汁稠度未及剛才奶油既杰身，佢係稀少許，有如奶昔。我率先舀了一小口醬汁嚐嚐。
呃……那個……雲尼拿味道有點不自然啊……呢個係奶蛋醬，唔係雲尼拿汁，但奶蛋醬有時都會加雲尼拿成分入去。呢度既版本，只有一絲頗人工既假雲尼拿香味。淡黃既醬汁亦未見有經常出現既啡黑雲尼拿籽，可惜之餘還有點破壞了奶蛋香。
蘋果批面頭係有少許脆糖面，酥脆重層次。嚼咬下更透出環環既酥油香氣，卻是不油不膩，只有香口吸引。美中不足既係底部既酥皮過度稔軟濕潤，未至於爛，但毫無脆度。可能係因為蘋果批未夠充分放回至室溫就奉桌，會回吸蘋果餡既水分。醬汁亦會浸軟底皮，讓其失去應有既酥脆。
餡料係大大塊既蘋果，讓人想起美式蘋果批既澎湃。蘋果部分淋身不會水爛，甜中帶酸香。但未有記憶中蘋果加熱後很重既酸味，佢係比較柔性既味道。配上奶蛋醬既奶香微甜，甚是合適。如果雲尼拿香自然一點，或者直接剔除，更能叫人大快朵頤。
薑汁雲尼拿
$72
47 views
0 likes
0 comments
白茫茫一杯XDD飲落薑汁竟是格外香濃，比想像中淡淡一掠既香氣更加誘人！仔細一看，奶昔面層浮著細碎既薑粒，怪不得薑味自然可人。加上薑粒係剛好切到有咬口，又唔會明顯得嗆辣既碎粒。細滑濃郁既雲尼拿奶昔，香甜到咩地步都有機會飲膩。薑汁及薑粒清清地又醒神既味道。仲有少少既可嚼位，質感對比令其感覺不再單調乏味。
威士忌奶昔
$98
72 views
0 likes
0 comments
混有波本威士忌、焦糖糖漿及雲尼拿雪糕既烈酒奶昔。基本上不需多想，就好似平時雲尼拿雪糕澆上焦糖糖漿。雲尼拿香味配上焦糖焦香，甜得黎係唔同既味道，未算太膩。至於威士忌……主要飲落就唔多覺酒味，佔量應該好少好少。奶昔既奶滑香甜一早已經將酒味銳減，淡至兒童餐跟呢杯都似乎冇咩問題:^P
調皮雲尼拿
$98
47 views
0 likes
0 comments
以甘露咖啡酒、百利甜酒、意大利咖啡及雲尼拿雪糕製成。呢個叫就叫雲尼拿，味道側重點卻係咖啡味。顏色隨之變得帶點淡啡，而非前兩杯既白調。飲落其實同飲百利甜酒冇分別，味道極度顯著。奶昔就加添左份奶滑，好似有緩衝位，唔會一下子太甜太重酒嗆。而咖啡另配酒，再添奶昔既奶滑感……我不禁想起愛爾蘭咖啡，是有點像吧？XD
午夜夢醒
$98
84 views
2 likes
0 comments
一睇杯烈酒奶昔就諗起凍朱古力。冇錯！因為佢真係注重係朱古力味道。內含甘露咖啡酒、朱古力力嬌酒、曲奇加朱古力雪糕。朱古力味道香濃細膩，甜香既同時又帶有酒味既微苦。唔會只得甜味，係最甜既一杯，又係最清既一杯。曲奇碎屑既脆感咬口進一步消淡甜膩感。這杯真的是不錯，我地果陣有爭住飲佢xddddd
Liberty Sling
$98
77 views
1 likes
0 comments
來點酸甜莓香，新鮮草莓打碎混入Gin酒。再加點檸檬、橙及紅莓調成的多味果汁。調酒杯中放入一支串上原粒莓果既小籤，完成。也許Gin原本酒味都幾出既，入口冇準備既造會有少少乸。友人可能飲唔慣一黎就出招既烈酒，灑手擰頭。加上莓果既果酸味幾重，混入Gin就會有輕微人工味，不太平易近人。
Golden Prestige
$103
40 views
0 likes
0 comments
睇個樣就覺得好熱帶風情既調酒：淡冧酒、新鮮柑桔及熱情果、接骨木花及橙花水。味道有濃濃既柑桔酸甜，熱情果既特有香氣也不失色。接骨木花香淡雅，橙花水既近似橙香頗出味。冧酒酒味比Gin較大路，淡酒算頗利口。呢杯比莓果既更為調和，依照入口既酒味可算是入門級的。
你未必有興趣睇，但我係中意放出黎呀:^\\\\\洗手間入面都係夠哂玩味。除左常見用牆壁既有趣貼圖，仲有安全套售賣機。一般呢類機器唔多係普通餐廳見到。佢既外形亦都係得意多於露骨，有別於以前見過既，係好笑又唔會太招人反感。
Post
