歌柏絲意大利餐廳 (Closed)

原本想訂7月19日，餐廳最後一天前來光顧，可惜已經約滿，所以就早左一天前來。這裏地方大，環境舒服，平時如果多人而放工想飲酒食小食，都會選擇過嚟。今日放工和同事們過嚟happy hour。餐廳酒類選擇唔少，紅白酒同cocktail都有幾多選擇。我點了gin tonic, 另外還點了一jar white sangria 大家飲。佢哋酒的質素就真係普通，但好在happy hour價錢都唔會好似其他餐廳或者酒吧咁限死一兩樣。另外就係我每次黎都會點嘅nachos, 脆片上面放滿左芝士再配上牛油果醬好好味，送酒一流。另外點左buffalo wings同薄餅。雞翼我覺得唔夠辣，醬汁唔夠香濃，正常。而另外點了餐廳推介嘅薄餅，芝士非常多再加上上面嘅煙肉好香。但有點大油膩，如果可以有啲蘑菇或者番茄醬中和下會比較好。總括來説呢度地方大，食物好味，價錢又合理，係多人食飯飲酒聚會嘅好地方。星期五他們結束營業之後，我又少了一個happy hour的好地方。