Video
Read full review
2016-12-25
754 views
我既兩周聖誕假期終於開始，今年半工讀既生活好辛苦，所以宜家快要感動到喊！仲記得早幾星期睇機票見到$2800中國國際來回香港飛巴塞隆拿，差少少就買左。不過宜家去唔成，唯有香港止止癮。餐廳唔算好大，不過都好有情調。牆柱係用不同pattern既瓷磚切出黎，特別充滿歐陸風。之前有西班牙朋友話香港無乜正宗正班牙餐廳。我一知道尖沙咀開左間新既叫Alzina，快快趣拉左個friend黎試。兩個人叫左d tapas，1個main同Sangria黎share。首先我必須要讚揚下d員工好熱心好友善，會作出唔同既推介、解釋，又會間時check on us睇下d野O唔OK。欣賞到我個friend俾左$70貼示(我知道外國人其實好common，不過我土生土長就少d)。Russian Salad Octopus $68西班牙作為一個沿海國家，盛產優質海產，特別多海鮮選擇。八爪魚沙律有一大舊切件八爪魚，片係d薯仔沙律上面，增添整體味道。八爪魚片新鮮，質感剛好，唔會似橡皮咁難咬，反而容易咀嚼，而且帶淡淡海水味。Garlic Prawn $108各款海鮮中我最鐘意蝦，呢個複仲要脫左殻，約會食都唔怕無儀態！蝦新鮮，而且香
餐廳唔算好大，不過都好有情調。牆柱係用不同pattern既瓷磚切出黎，特別充滿歐陸風。之前有西班牙朋友話香港無乜正宗正班牙餐廳。我一知道尖沙咀開左間新既叫Alzina，快快趣拉左個friend黎試。兩個人叫左d tapas，1個main同Sangria黎share。首先我必須要讚揚下d員工好熱心好友善，會作出唔同既推介、解釋，又會間時check on us睇下d野O唔OK。欣賞到我個friend俾左$70貼示(我知道外國人其實好common，不過我土生土長就少d)。
Russian Salad Octopus $68西班牙作為一個沿海國家，盛產優質海產，特別多海鮮選擇。八爪魚沙律有一大舊切件八爪魚，片係d薯仔沙律上面，增添整體味道。八爪魚片新鮮，質感剛好，唔會似橡皮咁難咬，反而容易咀嚼，而且帶淡淡海水味。
Garlic Prawn $108各款海鮮中我最鐘意蝦，呢個複仲要脫左殻，約會食都唔怕無儀態！蝦新鮮，而且香氣撲鼻，就係因為個個蒜片檻欖油。
Red Lobster Croquettes $72Croquettes其實係一個好傳統既西班牙小食，即係炸薯仔球，入面放咩餡都得。呢個red lobster薯仔球個外層皮薄，入面成cream般軟滑，而且帶龍蝦既香，好味，最岩送酒！
Eggplant Cheese $58炸羊奶芝士矮瓜球，我個人都幾鐘意d重口味芝士，佢同較清既矮瓜就相輝映了。
Classic and White Sangria $88呢度有幾款酒水做緊promotion超抵！一支moet香檳$298，學店員講真係平過超市。但我地無叫，話囇西班牙之夜，梗係要去Sangria。Sangria無論一杯定一Jar都係做緊買一送一，所以我地二人叫左一個紅一個白試下。全部都好俾貨，用左蘋果碎同一串雜果串浸左喺入面架，見到都開心。
Assorted Iberico Pork $238西班牙豚肉拼盤，貪心之選，樣樣部位都試到，滿足曬。呢度所用既豚肉全部正宗iberico豬，食大架，所以特別濃豚味！
佢有三個部位 pluma豬頸肉， presa，secreto ，不過其實隻隻都好，因為全部係正宗認證既iberico豬，100%橡果餵食！
三種肉入面我最鐘意secreto,講明係secret，梗係最經貴，佢有大理石既紋，油脂深入肉中間，令成塊肉質的口感柔軟鲜嫩，肉汁充足！Pluma最瘦，肉味但仍算濃！
Cream Foam with Lemon Sobert $42我食完已經好飽，不過我朋友要食甜品，叫左一個食左一啖
佢個cream幼滑，超級light,配酸酸既檸檬雪芭好夾！
食左咁西班牙既晚餐令到我既朋友都好滿意，因為佢之前住過spain兩年，搞到佢思念西班牙，下次又要黎過上癮啦！
Post
