Video
Read full review
2015-05-27
4465 views
尋日男朋友生日，1早book左枱食飯，睇openrice見到咁多好評，就決定1試。2人餐caesar salad加歐陸海鮮拼盤做前菜，男朋友唔好生冷野，另外叫多個西班牙小食拼盤。沙律幾好，醬同料比例岩岩好，唔似出面，1係醬多到浸死啲菜，1係少到得2滴，而且菜亦好fresh好脆，冇窿亦冇乾到燶邊，大細剛剛好，叉住就食得，唔會要你擘大個口好似食人咁，又唔洗搏老命切。西班牙小食好醒胃，小小辣，男朋友唔係好食得辣都食得好開心。跟住就係海鮮拼盤，超新鮮，每1樣都可以食到海鮮既甜味，特別係生蠔同藍貝更加驚喜，食唔到海水腥味，唔加醬汁，入口覺得好juice，同好想追多隻黎食！餐湯係周打蜆湯，1粒粒既蜆已經令我非常開心，因為我本身都幾鍾意飲依個湯，周圍都係冇蜆肉兼且10足稀釋白湯，但依度真係唔同，有蜆肉，仲落左煙肉令佢更香，但煙肉太大塊，如果可以轉粒狀會更加正！食到依度，我地2個已經開始飽飽地。男朋友食西餐慣性食扒，我就較喜歡食意大利飯(如有)，佢揀左T骨扒，我揀左墨汁意大利飯。扒既火候好好，要7成真係比7成，不多不少，我唔係做廚，唔敢話佢exactly係7成，但佢唔係搏老命用火燒到外面10成而入面仲
2人餐
caesar salad加歐陸海鮮拼盤做前菜，男朋友唔好生冷野，另外叫多個西班牙小食拼盤。
沙律幾好，醬同料比例岩岩好，唔似出面，1係醬多到浸死啲菜，1係少到得2滴，而且菜亦好fresh好脆，冇窿亦冇乾到燶邊，大細剛剛好，叉住就食得，唔會要你擘大個口好似食人咁，又唔洗搏老命切。
西班牙小食好醒胃，小小辣，男朋友唔係好食得辣都食得好開心。
跟住就係海鮮拼盤，超新鮮，每1樣都可以食到海鮮既甜味，特別係生蠔同藍貝更加驚喜，食唔到海水腥味，唔加醬汁，入口覺得好juice，同好想追多隻黎食！
餐湯係周打蜆湯，1粒粒既蜆已經令我非常開心，因為我本身都幾鍾意飲依個湯，周圍都係冇蜆肉兼且10足稀釋白湯，但依度真係唔同，有蜆肉，仲落左煙肉令佢更香，但煙肉太大塊，如果可以轉粒狀會更加正！
食到依度，我地2個已經開始飽飽地。
男朋友食西餐慣性食扒，我就較喜歡食意大利飯(如有)，佢揀左T骨扒，我揀左墨汁意大利飯。扒既火候好好，要7成真係比7成，不多不少，我唔係做廚，唔敢話佢exactly係7成，但佢唔係搏老命用火燒到外面10成而入面仲流緊血果種，佢係內外都好平均，切既時候冇滲血，咬落好嫩，唔會鞋烚烚。而我個墨汁意大利飯就有啲失望，除左好靚之外，冇乜特別。
2個主菜都偏咸，特別係意大利飯，食頭2啖都ok，食多2啖已經咸到唔想再擺入口。
最后就係上甜品，我預先安排要雪葩同雪糕，估唔到男朋友佢又真係諗住嗌雪葩。嗌既時候佢話得香蕉味，我知佢唔好甜野，所以安排要檸檬味，清清地，驚緊佢出隻蕉比我既時候，好彩佢真係出個檸檬比我。拼朱古力雪糕，酸下甜下既味道真係好清新，本身食到好漏好飽，都比個酸味提番哂神。
落樓個肚由平腹變大左3,4個月，男朋友話我好誇張，其實佢都同我1樣逼爆件衫，哈哈。值得再去，但下次唔會嗌多個拼盤喇，真係食唔哂！
Post
