Video
Read full review
2023-03-01
1433 views
感恩2022大家的照顧和疼愛，全都是我值得的😌-NYE 晚餐同平時一樣，做緊三個價位，分別$888, $1388, $1488，主要係唔同級數嘅牛、蝦，同埋有冇刺身。餐廳坐落中環，有唔少外國人，開頭有諗過係咪price up左，但食落覺得食物質素同餐廳氣氛對得住black sheep restaurant. 揀得幾好呀本😈😘-Book左8:30但未入得，餐廳好識趣地俾咗兩大杯sake同枝豆食住先. 之後好快就有第一碟野食- 🍅 日本靜岡高糖度蕃茄Waitress介紹呢個蕃茄比一般既甜三倍，第一啖食落係好鮮甜既，但無特別，反而一沾左鹽，食落既刻唔同哂🤩🤩 具體來講就係無咁似沙律，開胃得黎唔會嗆喉🥗 沙律南瓜茸🍣 sashimi 🍳 茶碗蒸🦞 未食第一道菜之前師傅俾咗一隻新鮮西澳龍蝦(仲郁緊)我哋睇(好後悔冇影到🥲)，之後先攞埋一邊處理. 之前喺灣仔食鐵板燒已經見識過師傅拆虎蝦肉、挑腸、煮蝦頭既功夫，但今日第一次食鐵板燒。龍。蝦🤪😎 坦白講，睇落冇咁難處理，但味道👍🏻👍🏻👍🏻 sauce係用酒、味醂、蝦膏等熬製，而且澳洲龍蝦肉質豐滿同爽(聽聞南澳既更加上乘) yummmmm-🐚 餐廳俾我
-
NYE 晚餐同平時一樣，做緊三個價位，分別$888, $1388, $1488，主要係唔同級數嘅牛、蝦，同埋有冇刺身。
餐廳坐落中環，有唔少外國人，開頭有諗過係咪price up左，但食落覺得食物質素同餐廳氣氛對得住black sheep restaurant. 揀得幾好呀本😈😘
-
Book左8:30但未入得，餐廳好識趣地俾咗兩大杯sake同枝豆食住先. 之後好快就有第一碟野食
-
🍅 日本靜岡高糖度蕃茄
Waitress介紹呢個蕃茄比一般既甜三倍，第一啖食落係好鮮甜既，但無特別，反而一沾左鹽，食落既刻唔同哂🤩🤩 具體來講就係無咁似沙律，開胃得黎唔會嗆喉
🥗 沙律南瓜茸
🍣 sashimi
🍳 茶碗蒸
🦞 未食第一道菜之前師傅俾咗一隻新鮮西澳龍蝦(仲郁緊)我哋睇(好後悔冇影到🥲)，之後先攞埋一邊處理. 之前喺灣仔食鐵板燒已經見識過師傅拆虎蝦肉、挑腸、煮蝦頭既功夫，但今日第一次食鐵板燒。龍。蝦🤪😎 坦白講，睇落冇咁難處理，但味道👍🏻👍🏻👍🏻 sauce係用酒、味醂、蝦膏等熬製，而且澳洲龍蝦肉質豐滿同爽(聽聞南澳既更加上乘) yummmmm
-
🐚 餐廳俾我哋將其中一份鵝肝轉做帶子~ 好大隻嘅北海道帶子😆 同樣用牛油同埋酒煎香，食材靚自然味道好。唯一要挑剔係帶子上碟後要等師傅整好個sauce再淋上去，食物已經凍咗(而我係不太接受到食物唔趁熱食😅😅)
🦆 地獄鵝肝，本本有咩感覺？我都係麻麻🙊 不過配埋多士的確唔膩，兼第一次欣賞師傅煎鵝肝(生肝個樣真係唔討好…)。賣相係OK，但我呢種唔好肝既人都係prefer Hugo’s 鴨肝配啫喱既味道
-
🥩 牛肉係鹿兒島tenderloin and sirloin. 同師傅取經，佢話西冷油脂分布多，煎完都見到白色既紋. Tenderloin 肉色較深. 經過師傅一輪表演後，終於上碟😍 serve with 由晚餐一開頭就油炸既脆蒜、wasabi、幼鹽. 我自己鍾意sirloin 多啲，因為油分多所以入口更滑更淋，但平時一大塊要自己切嘅牛扒我就鍾意”瘦”d. 本本就乜都中意🤪
🥬 seasonal vegetables
🥘 龍蝦(鉗)麵豉湯
🍚 和牛碎炒飯
-
食到呢度已經開始飽，飲啖湯暖暖胃。湯冇乜特別，只係有好有輕微蝦膏味; 炒飯粒粒分明，香口，調味啱啱好。蔬菜有三樣: 雞髀菇、菠菜、紫蘿蔔，分別點柚子+日式醬油、麻醬😌 其實crown既蔬菜幾有驚喜，始終大部份鐵板燒餐廳menu都係牛加海鮮，炒飯加麵豉湯，反而睇佢哋用咩蔬菜去配搭整個鐵板燒餐可以欣賞到師傅嘅心思和用心☺️☺️☺️
-
🍨 食完最後一道熱食，餐廳安排我哋去梳化位置食甜品: 柚子雪葩. 全靠本本上網book，所以有得送茶碗蒸同埋甜品😋
-
後記: 餐廳比我地感覺係service好而且好識做生意(positively)、侍應自由度大而且轉數快😂 可能2022最後一日心情好，請我哋飲shot 😂 我哋想將鵝肝轉帶子冇問題、遲咗安排入座又識補飛😅 請經理幫我哋影相，佢真係不厭其煩，又識打燈😂😂而且餐廳好細心安排另一個區域食甜品，避開油煙味，仲可以坐得舒舒服服傾耐啲計
-
我有啲surprise大部分人嚟食飯就只係食飯傾偈，師傅喺席前烹調但好多外國人冇點欣賞。其實鐵板燒就好似omakase，我覺得就算唔想太多交流，只想靜靜地食餐飯，都可以細心欣賞師傅嘅功夫。我都好感受到師傅煮嘢食嘅熱誠…令到我同本本都有興趣煮下嘢食🤪🤪
-
叻喇叻喇，呢間餐廳揀得好！I like ❤️
Post
