Briketenia

Open Now

Now Closed

餐廳：Briketenia地點：北角匯菜式：日式法菜餐牌：午市套餐包前菜同主菜，同咖啡或者茶。可以加錢要甜品或者升級飲品。主菜8選1，價錢由$138至$348，另加一。前菜6選1，有d要加錢。餐包係一客四件法包，暖暖地上枱，外皮烤得香脆，最正係個忌廉醬，超滑溜而酸酸地，其實佢先係主角。巴馬火腿蜜瓜沙律 跟餐巴馬火腿蜜瓜沙律大大兜，加左橄欖油既沙律雜菜同車厘茄底加上兩大片巴馬火腿同兩三片蜜瓜，面頭一片薄脆多士。巴馬火腿鹹香之餘唔會太硬，蜜瓜香甜爽脆。鵝肝焦糖燉蛋配田園沙律 跟餐加$48 另加一呢個鵝肝焦糖燉蛋配田園沙律係餐廳招牌菜式，一定要試試。鵝肝真係用燉蛋兜上，面頭一層焦糖面，同埋加少少紅色酸莓醬。鵝肝好滑溜，配焦糖面真係外脆內滑，而加埋酸莓醬可以稍稍中和油膩感，味道特別。配有四小塊香脆薄身吐司。田園沙律係一碗加左適量沙律醬既沙律雜菜配車厘茄。慢煮西班牙豬鞍配洋蔥及新薯 $248 另加一慢煮西班牙豬鞍一大件已經切開四條，肉質超嫩口，豬味濃又多汁，連筋位食更好味。下底墊有法式長豆幾條，冬菇一隻，紅椒一片，翠玉瓜一片，少少洋蔥絲同一件西蘭花，蔬菜豐富。伴有超滑溜薯蓉。呢道主菜份量都唔少。