Video
Read full review
2008-07-20
2 views
一路以嚟, 小弟都覺得叫得做下午茶既餐都應是budget抵食的. 昨日發現此非定律! 3點放lunch, 想揾間茶記食番個下午茶, 坐吓歎吓. 見呢度門口面包賣相不俗, 價錢不貴, 雖然佢冇餐牌喺門口, 都照入啦.一坐睇睇餐牌, 下午茶餐有4個, 單併三文治加熱飲都要22蚊. 心裡當堂嘩咗聲, 大把地方散叫都冇咁貴啦! 雖然係老尖, 但同區份行2分鐘, 人哋都係賣緊18蚊之嘛!睇2睇, 最後叫了個厚油多加炒蛋, 飲熱奶茶.厚油多烘得外脆內軟, 牛油份量適中, 加d砂糖喺面, 好食!炒蛋, 唔太油, 炒得滑, 又係唔錯啵!熱奶茶, 茶味夠, 稱職!食物質數是高的, 奈何價錢有d過火, 相信冇番炒既可性.同場上映了, 小蚊滋遇上雪塴的悲劇! 事源小弟打開糖兜, 加糖喺多士之際, 發現有隻小蚊滋誤入禁地, 慌張的小弟因唔識點做, 自然反射驅使下, 立刻用砂糖將小蚊滋埋咗, 活生生上演了一幕小蚊滋遇上雪塴的真蚊真事! 小弟後來嘗試從雪中尋其遺體, 因雪太多的關係, 不果…… 好心人, 如他日見番其遺體, 請代為處理一下, 在此謝過!
一坐睇睇餐牌, 下午茶餐有4個, 單併三文治加熱飲都要22蚊. 心裡當堂嘩咗聲, 大把地方散叫都冇咁貴啦! 雖然係老尖, 但同區份行2分鐘, 人哋都係賣緊18蚊之嘛!
睇2睇, 最後叫了個厚油多加炒蛋, 飲熱奶茶.
厚油多烘得外脆內軟, 牛油份量適中, 加d砂糖喺面, 好食!
炒蛋, 唔太油, 炒得滑, 又係唔錯啵!
熱奶茶, 茶味夠, 稱職!
食物質數是高的, 奈何價錢有d過火, 相信冇番炒既可性.
同場上映了, 小蚊滋遇上雪塴的悲劇! 事源小弟打開糖兜, 加糖喺多士之際, 發現有隻小蚊滋誤入禁地, 慌張的小弟因唔識點做, 自然反射驅使下, 立刻用砂糖將小蚊滋埋咗, 活生生上演了一幕小蚊滋遇上雪塴的真蚊真事! 小弟後來嘗試從雪中尋其遺體, 因雪太多的關係, 不果…… 好心人, 如他日見番其遺體, 請代為處理一下, 在此謝過!
Post
