Burgeroom (美麗華廣場1期) (Closed)

美麗華真係多左好多餐廳呀~係咁多餐廳入面，我簡左係食四方入面既E間。飲得酒既餐廳，野食應該黠都會貴少少啦，點知睇睇個meun，D價錢都好合理wo，百零蚊已經可以食到一個burger。我同朋友驚一人一個burger會太飽，所以我地叫左一個沙律、小食同burger大烤菇沙律($80)係一大碟沙律菜呀，係羅馬生菜既比例居多，好怕有時D沙律菜好多火箭菜會好苦~大啡菇烤得岩岩好，仲有好多汁，上面個層蕃茄沙沙醬酸酸地好開胃呀~ 佢個油醋汁唔會過酸，少少地伴住食，真係一個人都可以食哂呀~菠蘿煙肉牛肉漢堡($98)個漢堡已經好細心咁切開一半，好清楚咁睇到入面既餡，牛肉仲見到有D汁想流出黎，煙肉煎到岩岩好唔會太乾，配埋菠蘿可以解膩牛油果醬芝士薯條($68)基本上有牛油果我就會點，牛油果配薯條成件事好中和，冇咁漏~ 芝士醬係中間増加左風味，令到我平時好熱愛既茄汁都出唔到場呀~荔枝冰茶($38)冰茶配埋荔枝漿甜度岩岩好，仲有荔枝蓉，口感好豐富餐廳仲有outdoor區域~好適合要呼吸既朋友，不過就算唔使呼吸既朋友都可以坐下出面，因為環境真係好舒服呀~