Burgerman (埃華街)

Open Now

Now Closed

繼續屋企附近搵💛嘢食系列😋Weekend頹頹哋，瞓到好晏先起身，所以係咁意，揀咗唔係咁heavy嘅burger小店食個晏少少既lunch。雖然間鋪頭細細間，都有幾張吧枱俾人坐低食。由於我哋唔係太肚餓，所以只係嗌咗一個水牛城雞肉漢堡同辣肉腸意粉。店員仲好貼心咁，幫我地量體溫個陣提醒記得食嘢個陣先好除口罩，防疫意識夠👍🏻👍🏻抵讚！舖頭入面仲有買埋酒精搓手液同埋即棄手套，咁就安心，人又健康😀😀等咗一陣就有嘢食，漢堡嘅外皮焗得好鬆脆，啲醬汁辣辣地。最特別係佢入面嘅藍芝士，因為我唔係好食得辣，好彩有個酸酸地藍芝士，中和晒入邊嘅辣味，而且食都食得開胃啲。😛另外個辣肉腸意粉好juicy，勁多肉腸夠晒足料，而且啲醬汁多到唔駛錢咁，一啲都唔孤寒。不過個肉腸真係有少少辣，建議大家唔食得辣野，最好就配埋嘢飲呀。如果晏起身，想食個💛下午茶，係一個唔錯嘅選擇。