Video
Read full review
2022-08-29
11 views
今次係灣仔睇完展覽，一邊行一邊搵下有咩好嘢食。行到聖佛蘭士街，遠遠地見到斜路上面有一間酒吧feel嘅餐廳，氣氛好似幾chill, 就一於入去試下。餐廳主打漢堡為主，櫃檯上面擺滿各式各樣嘅紅白酒同埋手工啤酒。Double A5 “Miyazaki” Wagyu burger $158兩層嘅A5和牛漢堡真係好邪惡，咬開唔會overcooked,食落啖啖肉汁。個包好鬆軟，即時焗先會有咁嘅效果。芝士做到熱熔效果，加埋酸瓜同埋蕃茄，好滿足。Soft Shell Crab Burger $128大大隻軟殼蟹，食開仲見到啲橙黃色嘅蟹膏。同埋咬落好香脆，又唔會油膩。醬汁方面就用咗常用嘅千島醬，幾清新。薯條炸得好香脆，同埋加咗我好鍾意嘅Cajun辣味，少少辣好惹味。Cold Cut $128飲開酒，點可以少得芝士同埋火腿。主要有parma ham, salami, cheese and nachos。餸酒一齊食好正。Draft beer $35自家製嘅手工啤，好鍾意面層嘅氣泡，飲落特別順滑，唔係度度有得飲一定要試下。Prosecco $35意大利起泡酒，有少少花香同埋果香味，加上有bubble, 好適合
Double A5 “Miyazaki” Wagyu burger $158
兩層嘅A5和牛漢堡真係好邪惡，咬開唔會overcooked,食落啖啖肉汁。個包好鬆軟，即時焗先會有咁嘅效果。芝士做到熱熔效果，加埋酸瓜同埋蕃茄，好滿足。
Soft Shell Crab Burger $128
大大隻軟殼蟹，食開仲見到啲橙黃色嘅蟹膏。同埋咬落好香脆，又唔會油膩。醬汁方面就用咗常用嘅千島醬，幾清新。
薯條炸得好香脆，同埋加咗我好鍾意嘅Cajun辣味，少少辣好惹味。
Cold Cut $128
飲開酒，點可以少得芝士同埋火腿。主要有parma ham, salami, cheese and nachos。餸酒一齊食好正。
Draft beer $35
自家製嘅手工啤，好鍾意面層嘅氣泡，飲落特別順滑，唔係度度有得飲一定要試下。
Prosecco $35
意大利起泡酒，有少少花香同埋果香味，加上有bubble, 好適合消暑嘅酒。
Post
