Burgeroom (美麗華廣場1期) (Closed)

幾年前試過銅鑼灣分店，呢次就試下尖沙咀分店。無book位，夜晚7點黎到，等左5分鐘就入得。我地點左牛油果醬芝士牛肉漢堡、菠蘿燒烤醬牛肉漢堡同旋風薯條。兩個Burger嘅牛肉都厚身，有牛味，同埋幾鬆軟。菠蘿燒烤醬牛肉漢堡，燒烤醬配埋菠蘿同番茄，酸酸甜甜，加埋生洋蔥嘅辣味，甜、酸、咸、辣都有齊哂，味道夠哂豐富。牛油果醬芝士牛肉漢堡，牛油果醬就少得滯，唔係好食到有牛油果醬味。旋風薯條都唔錯，夠脆夠香口。