Relish

Open Now

Now Closed

今晚嚟到呢間Cafe，佢哋嘅晚餐有前菜、湯、主菜同甜品，好豐富😍首先就有紫蘇葉梅子梳打，一杯清新嘅飲品，味道酸甜，好開胃。我哋揀咗蟹子鮮海膽柚子醬油汁梅素冷麵同蘋果木煙燻北海道帶子•日本枝豆．有機粉紅玫瑰菇 •紅菜頭蓉作為前菜。呢兩款前菜都好精緻，賣相好靚😚蟹子鮮海膽柚子醬油汁梅素冷麵有鮮味同柚子嘅香氣，海膽好多好滿足。而蘋果木煙燻北海道帶子同日本枝豆．有機粉紅玫瑰菇 •紅菜頭蓉搭配得恰到好處，帶子鮮嫩，真係一道令人讚嘆嘅前菜。接著嚟到湯品，有千邑龍蝦湯同粟米忌廉湯。千邑龍蝦湯濃郁鮮美，龍蝦肉鮮甜彈牙，真係令人回味無窮。而粟米🌽忌廉湯滑順濃厚。中間飲返杯迎香烏龍茶🍵清一清味蕾，準備食主菜。主菜方面，我揀咗香煎法式鵝肝大啡菇紅花意大利飯同香烤野生虎蝦•蟹肉蟹膏意大利飯。香煎法式鵝肝大啡菇紅花意大利飯，鵝肝厚身好香😋。而香烤野生虎蝦•蟹肉蟹膏意大利飯，虎蝦爽口，蟹肉蟹膏更加增添咗菜式嘅濃郁味道。最後嚟到甜品時間，抺茶卷蛋成為完美嘅結尾。抺茶卷蛋賣相靚，口感綿密，忌廉香滑，甜而不膩。最後加埋一杯mocha$32，令整個晚餐更加完美。