Video
Read full review
2021-02-18
389 views
黎南豐紗廠，必去既打卡Cafe真係非Fleur莫屬。進入南豐紗廠地下嗰層一直行到尾就到。利用白同金色既裝潢，設計出充滿簡潔同時豪華既時代感。每張雲石枱面都放住Testtube小花，如果帶狗仔黎可以坐外面位置，冇寵物既話人唔多坐梳化位亦相當闊落同光猛，絕對係點影都靚既好地方😈。Fleur既餐牌比較特別，係按你既喜好黎揀食物。例如你係無肉不歡既，就可以揀Meat Lover，如果你係想食海鮮既，就揀Seafood Lover，入面既材料已經配搭好比你容易啲選擇。而我作好打卡既準備，緊係嗌佢個招牌Fleur Lover啦，同行友人就嗌左Beef Lover，再點左兩杯Velvet Latte同Superfruit。全部食物黎到都好靚，忍口唔食住影張大合照先🥰。Fleur Lover真人靚過上鏡，上面有多種水果同eatable flowers去佈置，仲有buckwheat同杏仁等等唔同咬口既食材放面，絕對係心機之作。食落去個味道其實相當不錯，而且內裡仲有用blueberry做餡料，唔會甜到膩。不足之處係比較乾身，硬度比起一般waffle更硬，所以要不停搭住餅面上既生果同Cream黎食，每啖都會
利用白同金色既裝潢，設計出充滿簡潔同時豪華既時代感。每張雲石枱面都放住Testtube小花，如果帶狗仔黎可以坐外面位置，冇寵物既話人唔多坐梳化位亦相當闊落同光猛，絕對係點影都靚既好地方😈。
Fleur既餐牌比較特別，係按你既喜好黎揀食物。例如你係無肉不歡既，就可以揀Meat Lover，如果你係想食海鮮既，就揀Seafood Lover，入面既材料已經配搭好比你容易啲選擇。
而我作好打卡既準備，緊係嗌佢個招牌Fleur Lover啦，同行友人就嗌左Beef Lover，再點左兩杯Velvet Latte同Superfruit。
全部食物黎到都好靚，忍口唔食住影張大合照先🥰。
Fleur Lover真人靚過上鏡，上面有多種水果同eatable flowers去佈置，仲有buckwheat同杏仁等等唔同咬口既食材放面，絕對係心機之作。食落去個味道其實相當不錯，而且內裡仲有用blueberry做餡料，唔會甜到膩。不足之處係比較乾身，硬度比起一般waffle更硬，所以要不停搭住餅面上既生果同Cream黎食，每啖都會有唔同配搭。
我建議嗰啲expect個鬆餅係日式嗰種就唔好試，試完又唔啱口味就唔好浪費人地心機🥴，同埋唔洗分開件餅還餅食，生果還生果食，花還花食，咁你不如去食食材算啦係咪☺️。
同埋件餅絕對係細食既女生三人份量，大家點餐前要預一預唔好嗌太多👏🏻。
Fleur lover
$128
36 views
1 likes
0 comments
大頭一樣咁靚🥺啲顏色真係好有心機，唔洗點執都可以直接Post社交媒體👏🏻。
Fleur Lover
$128
105 views
1 likes
0 comments
Beef Lover件牛煎得幾香，個汁都好不錯，而且個薯蓉係特別season過，一樣都係落足心機。但牛肉質地比較韌，食落香口味道正確，但咬口就偏老。而我好少食牛骨髓，烤得幾靚，入口就係油淋淋既肥膏味同口感，如果加塊細多士就容易入口好多。牛骨髓記得趁熱食，唔係入口既感覺會更油膩。
Beef Lover
$228
24 views
0 likes
0 comments
Velvet Latte都冇乜邊到可以出錯，Lovely pinky color相當吸睛，味道好濃郁。
Velvet Latte
$42
11 views
0 likes
0 comments
Superfruit邊倒邊影原本以為冇乜特別，味道酸酸甜甜非常開胃，點知飲到一半發現冰入面有朵紫花，到走一刻都未溶得晒，好有心思。
Superfruit
$44
20 views
0 likes
0 comments
因為太飽食唔到佢地既蛋糕，賣相一樣咁可愛。
整體黎講感受到成間Cafe都係以設計為重，同時味道亦唔差，食物同擺設各樣都落左功夫而且感受到滿滿嘅心思。位置好多所以坐半天同朋友黎呢間Cafe傾計絕對係一件樂事，店員亦相當好服務。希望店主能多開分店，等我地可以時常黎幫襯❤️。
Post
