Cafe Paradise (杏花邨) (Closed)

呢度嘅午餐同下午茶餐同樣都供應到5:30。叫左個「煙火雞片意式薄餅」午餐。跟餐有湯同飲品。煙火雞片意式薄餅有茄醬同芝士，落左d香草好香口。火雞份量夠多，每一啖都食到！餅邊好脆口。另外嗌左個「石燒美國頂級穀飼牛肩胛肉眼扒200g跟意粉」。上枱嘅時候個扒未熟，食客可以自行決定燒到幾成熟。牛肩胛肉眼扒又大塊又厚，肉嫩多汁。$78食到咁高質嘅牛，夫復何求啊～旁邊重有兩款醬汁比你點。尤其鍾意其中一款醬——蒜蓉醬，點牛扒一齊食好香口！意粉軟硬適中，加左少少油，食落唔會太乾。賺唔夠熱重可以擺落石上面燒熱d添！我另外加左$30轉升級套餐。有餐湯、沙律、甜品同飲品。洋蔥餐湯有一片片洋蔥，飲落甜甜地。餐沙律沙律菜鮮嫩爽脆，搭配蔴醬，食落酸酸甜甜，感覺清新開胃！熱檸檬茶茶又香又濃，檸檬夠新鮮唔會苦。加左$10轉黑牛特飲。黑牛個朱古力雪糕好大球啊！🤩啱曬我呢個雪糕控！🍦配埋可樂，又有得食雪糕又有得飲野，一舉兩得！😆餐甜品係士多啤梨啫喱。上面有忌廉。上枱時個忌廉重係固體狀。一路食嘅時候個忌廉慢慢溶，變左花奶咁，用黎送啫喱一齊食，啫喱唔甜，份量夠多。鍾意佢用雪糕圖案嘅杯裝，好靚又得意！