Caffe Milani (時代廣場) (Closed)

早幾日係klook訂左個朱古力四重奏蛋糕，父親節攞，$380 7吋。朱古力四重奏 $380呢款蛋糕係父親節限定，我貪造型係爸爸西裝造型，由朱古力慕絲、可可餅底、黑朱古力脆脆、軟心咖啡朱古力醬、冧酒香可可海綿蛋糕組成。價錢已包括自訂祝福語朱古力心意牌、蠟燭一支同膠刀，不過無聲稱既餐具一份。蛋糕係有黑朱古力同白朱古力外圍包住朱古力鏡面既蛋糕，上面再用朱古力做成一條煲呔，另外用金箔做鈕。朱古力鏡面既蛋糕入面係朱古力醬面包住厚厚既朱古力慕絲，中間有少少軟心咖啡朱古力醬同可可餅底。可可餅底唔脆，軟心咖啡朱古力醬唔啱小朋友食，冧酒香可可海綿蛋糕唔多覺。成個蛋糕非常膩，味道係有層次，外層朱古力醬好濕潤，可惜無口感，一定要好多人分先得，食完好飽滯。蛋糕盒都好實净。