CAMPSITE (K11 ATELIER) (Closed)

吞拿魚海苔沙拉🥗綠綠的一片草，好多新鮮既菜，有枝豆粒，海苔片，火箭菜，青瓜絲，全部都好新鮮，另外吞拿魚每一塊都好厚，口感好好，好腍好滑，好好食嘅個沙律！吉列蝦🍤啲蝦又大隻炸得又脆，一啲都唔會油淋淋，好乾爽，一咬落去熱辣辣，蝦肉好爽，點啲檸檬汁同埋沙律醬，食完全唔會滯！香草白酒煮青口🫕青口份量都幾多，仲有每隻都好大隻，好鮮甜，好吸收到啲白酒嘅香味，香草就更加帶出青口嘅鮮，仲可以有點炸脆咗嘅麵包條點啲汁嚟食！巴馬火腿菇菌薄餅🍕依個Pizza嘅餅底好薄，好似餅乾咁，超脆，勁好食，餡料豐富，好多巴馬火腿，亦都有好多雜菌，仲有啲火箭菜，相當唔錯！