Candy Shake (Closed)

今年既夏天真係好熱，每次出街都流到成身大汗，行到D甜品店總係忍唔住入去買野食消下暑。登打士街真係想食咩都得，飽肚又得，過下口癮又得。再次黎到candy shake，價錢唔係貴，但係味道又唔錯。點裝果陣，見到新出左D新產品，整到好似支花咁，好靚，不過由於我地比較熱同埋口渴，所以點左雪糕同埋奶昔，呢個新產品留返下次有機會先再試。北海道宇治抹茶芝士 $29今次我地點左杯裝，方便一路行一路食。今次既乾冰好似比上次更加重手，所以D涼氣係咁沿住條邊係咁出黎，真係隔住個mon都feel到仙氣。上面既裝飾砌得好有層次，有彩針、白朱古力同埋黑朱古力。抹茶加上濃濃既芝士味，口感好重，但係唔會太膩，唔錯。3.6牛奶芝士奶昔 $28話明係芝士奶昔，所以飲落會有好重既芝士味，每一啖都有好重既芝士味，加上3.6牛奶，杯奶昔夠幼滑，咸咸地既味道。而且杯奶昔加左好多粒朱古力星星，增加左口感，$28真係好抵！