R&B (Closed)

其實本來唔係想食呢間餐廳，但奈何原本想去果間好似比人book左場咁，又唔想行太遠既情況下就黎左呢間。Dirty Wings其實係炸蜜糖雞翼，再撒滿紫菜碎同香草，d紫菜滿到都見唔到隻雞翼，搞到一上菜既時候有d疑惑其實係咩黎，哈哈。雞翼炸得好香脆，蜜糖又唔會話太甜。食到滿口都係紫菜碎，真係好dirty，哈哈。Carbonara比起一般既Carbonara佢牛油同奶味超濃既，上碟既時候仲熱辣辣。不過建議盡快食，因爲凍左d牛油會凝固，會變到好難夾。Sorbet最後個雪葩真係好比到驚喜我，雪葩質感幼滑，食落酸酸甜甜，有d似酸梅既味道，食完之後簡直令人精神爲之一振。總括而言，每樣樣都在平均以上，又有自己特式，價錢合理。環境非常Cozy，坐得舒服，人又不太多，算係尖咀一個小小隱世既發現。