Cafe Paradise (Closed)

搬左出市區最大嘅得著就係收工出街食埋晚飯返到屋企都仲係好早😜。攪到最近我成日都外出用膳，好似放監咁😂。今晚就拉左家姐去太子呢間餐廳食， 我之前同朋友去杏花邨outlet時食過佢嘅分店， 嗰度裝修夢幻， 色彩繽紛，又有旋轉木馬，係拍照打卡嘅好地方。不過太子呢間就走平實feel，裝修簡單。我地點左兩份晚餐，烤西班牙豬肋排同鵝肝香蒜天使麵，一肉一主食， 可以share share together。跟餐有齊湯同沙律， 是日餐湯係南瓜湯。豬助骨烤得非常香口， 西班牙豬油份唔多，所以食極都唔膩。天使麵質地彈牙，雖然未至於al dente, 但都非常爽口， 鵝肝是整片的，一啲都唔辜寒。甜品是雪糕， 我地將其中一份升級要左心太軟。心太軟朱古力味勁濃，但配濃黑即磨咖啡就剛好。套餐其實好多野， 所以我地食完就決定散步回家， 幫助消化。