Video
Read full review
2021-11-30
92 views
近排又喺尖沙咀呢頭返工，聽同事講附近有間食CBD嘅餐廳環境唔錯，就趁今日早收工一齊去會一會佢。去前之上網查過，CBD即係大麻二酚(Cannabidiol)屬於大麻經提煉後嘅副產品。係一種無成癮性的植物天然成分，對於改善睡眠質素同埋減低身體炎症都非常有效。見佢講到咁吸引就試一試個效果係點。呢度採用QR CODE形式落單，點餐時可以揀唔要CBD，但一場黎到梗係點到食下啦。帶子蟹肉牛油果他他配薑油黑醋汁：作為前菜份量都幾多，牛油果唔會打到全爛仲有粒粒果肉口感。入面伴咗帶子粒同蟹肉碎令到味道更豐富，些許嘅薑油味僻腥之餘又提香。三文魚子為整個醬帶出咸香味，配上法包片食口感同味道都十分討好。芒果莎莎吉列虎蝦墨西哥薄餅：虎蝦炸得啱啱好食落彈牙，莎莎醬酸甜可以低油炸嘅感覺，但芒果味唔出。而墨西哥餅較軟身，可以一次過將虎蝦，沙律菜同醬汁包住再送入口，食落夠滿足。日式芥末忌廉香煎廣島蠔闊條麵：初初入口唔會覺好重芥末味但後勁會一下子沖返上黎。廣島蠔煎得表面香口內裡仲飽滿新鮮。而闊條麵煮得較為軟身可以容易嘅掛汁，雖然芥末忌廉汁較為杰身，但味道清爽食落唔覺油膩。幾好食。手打流心菲達芝士撻：最後嘅甜品等到食完先上
去前之上網查過，CBD即係大麻二酚(Cannabidiol)屬於大麻經提煉後嘅副產品。係一種無成癮性的植物天然成分，對於改善睡眠質素同埋減低身體炎症都非常有效。見佢講到咁吸引就試一試個效果係點。
呢度採用QR CODE形式落單，點餐時可以揀唔要CBD，但一場黎到梗係點到食下啦。
帶子蟹肉牛油果他他配薑油黑醋汁
$128
9 views
0 likes
0 comments
帶子蟹肉牛油果他他配薑油黑醋汁：作為前菜份量都幾多，牛油果唔會打到全爛仲有粒粒果肉口感。入面伴咗帶子粒同蟹肉碎令到味道更豐富，些許嘅薑油味僻腥之餘又提香。
三文魚子為整個醬帶出咸香味，配上法包片食口感同味道都十分討好。
芒果莎莎吉列虎蝦墨西哥薄餅
$98
2 views
0 likes
0 comments
芒果莎莎吉列虎蝦墨西哥薄餅：虎蝦炸得啱啱好食落彈牙，莎莎醬酸甜可以低油炸嘅感覺，但芒果味唔出。而墨西哥餅較軟身，可以一次過將虎蝦，沙律菜同醬汁包住再送入口，食落夠滿足。
日式芥末忌廉香煎廣島蠔闊條麵
$158
3 views
0 likes
0 comments
日式芥末忌廉香煎廣島蠔闊條麵：初初入口唔會覺好重芥末味但後勁會一下子沖返上黎。廣島蠔煎得表面香口內裡仲飽滿新鮮。
而闊條麵煮得較為軟身可以容易嘅掛汁，雖然芥末忌廉汁較為杰身，但味道清爽食落唔覺油膩。幾好食。
手打流心菲達芝士撻
$68
2 views
0 likes
0 comments
手打流心菲達芝士撻：最後嘅甜品等到食完先上枱，所以流心效果無得頂。菲達芝士咸中帶甜，配上鬆化撻底，混合埋士多啤梨醬嘅果酸同開心果嘅果仁味，整個味道都唔錯。質素以咁嘅價錢黎講係幾抵食。
Ginger Bady
$88
9 views
0 likes
0 comments
整體味道都唔錯(其實食落唔覺有OR直頭無咩特殊味道)，或者係心理作用但嗰晚瞓覺又真係好似放鬆咗，好快就瞓着。哈哈。不過就算唔點CBD食物，環境都幾適合放工過黎RELAX下。
門口位置仲有啲ＣＢＤ產品，下次等屋企啲香油用晒試下佢，睇下係咪真係咁WORK。
Post
