Espuma (M88)

Open Now

Now Closed

其實放假最好就係同朋友四圍玩、四圍食，如果食到一個豐富嘅Afternoon Tea更加會令心情更加好。而岩岩嘅星期六就同朋友去咗中環Espuma食咗一個下午茶套餐享受一個悠閑的假期。餐廳內裝潢型格，而且仲有大玻璃窗非常開揚。Espuma下午茶套餐　$228加一 @二人份量而當中包括鹹點四款、甜點六款、兩個鬆餅。Espuma下午茶套餐上到枱真係花多眼亂，而最上層有君度忌廉紅莓朱古力脆餅，紫薯泡芙。中層有野菌酥盒，煙三文魚多士，鮮果蛋沙律，雞尾酒蝦沙律下層甜點有綠茶布丁，果仁金寶咖啡蛋糕等等提子鬆餅鬆餅熱辣辣，且軟熟重牛油香味，可以配上忌廉或果醬一齊食。君度忌廉紅莓朱古力脆餅紅莓新鮮唔會有酸味，而朱古力脆餅有非常濃郁嘅朱古力味，非常之夾。果仁金寶咖啡蛋糕口感特別非常之鍾意，而佢亦有好重果仁味好香口。雞尾酒蝦沙律香草大蝦非常彈牙，加上適量蕃茄香檳汁非常開胃。紫薯泡芙紫薯唔會太甜，加埋泡芙食會好飽肚。鮮果蛋沙律蛋沙律上面加入咗好多水果，令食起上嚟更加清新。凍招牌水果茶水果茶非常消暑，而且水果份量都好多。