Chang Thai Restaurant & Bar (Under Renovation)

今日又同frd嚟咗L. Square食嘢，見到呢間Chang Thai Restaurant & Bar，餐廳裝修得好靚，好有氛圍感🤩馬拉盞豬頸肉炒粉絲勁好食，豬頸肉好似鬆軟，馬拉盞味都好突出，粉絲量又夠多，十分索味😍酸辣慢煮魷魚都好好食，佢個醬汁超爽辣，連埋口感爽脆嘅魷魚，每一啖都係味蕾嘅享受，同埋魷魚都處理得好好，擺盤又夠靚，一定要嗌☺️冬陰墨魚餅超級驚豔，好足料，每啖都食到墨魚粒，真心好正，好感都好豐富，熱辣辣香噴噴又夠味，連埋甜辣醬好開胃，非常鍾意❤️食泰菜梗係要叫龍眼冰，叫咗兩杯，入口冰冰涼涼，而且味道清甜，連埋粒粒飽滿嘅龍眼肉，啱晒夏日炎炎飲番杯😋