Chang Thai Restaurant & Bar (Under Renovation)

呢間泰菜落裝修精緻富格調，一於同家父嚟try try。一落完order就送上冬瓜肉碎清雞湯，清甜滋潤。𖦹 芒果蟹肉炒飯 $98賣相一流，菠蘿炒飯就聽得多，芒果炒飯你食過未？芒果超甜，但略嫌汁唔多，以致食到後期有啲乾。 炒飯鑊氣十足，飯粒粒粒分明，帶蝦醬（定係馬拉盞）嘅香味，極為吸引。每一啖都食到蟹肉絲，係個新奇嘅配搭！（雖然我都係prefer菠蘿炒飯xd）𖦹 泰式金邊粉 （蝦）$88令家父很impressed的一道菜！一上枱已經令人眼前一亮，蛋絲整成網狀環繞炒粉形成如鳥巢般嘅形狀，好靚。面頭嘅大蝦肉質彈牙，可惜無咩味；金邊粉同炒飯同樣鑊氣十足，入口酸酸甜甜，非常惹味，令人食唔停口，好快就清曬成碟。 記得撈埋旁邊嘅花生碎同埋辣椒，味道嘅層次即時level up。